Marrëveshja me Iranin, Rubio: Është bërë përparim i rëndësishëm

Sekretari i Shtetit i SHBA-së, Marco Rubio, në një konferencë për shtyp në New Delhi gjatë një vizite zyrtare në Indi tha se nde nuk është arritur asnjë marrëveshje zyrtare me Iranin. 

Rubio vazhdoi, duke thënë se Irani nuk mund të ketë kurrë një armë bërthamore. Kjo, thotë ai, është diçka për të cilën Presidenti i SHBA-së, Donald Trump, ka qenë i qartë.

Ai shton se ideja që presidenti do të binte dakord për një marrëveshje që do ta vendoste Iranin në një pozicion më të fortë mbi çështjen bërthamore është "absurde".

Kanalet diplomatike për t'i dhënë fund luftës janë preferenca e SHBA-së, thotë ai, duke shtuar: "Mendoj se kemi bërë disa përparime".

Është e mundur që bota të marrë disa lajme të mira gjatë orëve të ardhshme, "të paktën në lidhje me ngushticën", shton Rubio.

Ai paralajmëron duke thënë: "Ende kemi punë për të bërë". Ka "lajme të mira", por "jo lajme përfundimtare", thotë Rubio.

Rubio shtoi se qëllimet e SHBA-së ishin "shumë të qarta", të cilat ishin shkatërrimi i marinës së Iranit, aftësia e saj për të lëshuar raketa balistike dhe dëmtimi i "bazës së saj industriale mbrojtëse".

"Këto ishin objektivat e Epic Fury, ato objektiva u arritën", thotë ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)