I vuri zjarrin tregut dhe vodhi biçikletën për tu larguar, arrestohet pas disa ditësh

Policia e Lushnjes bën të ditur se është arrestuar 48-vjeçari i shpallur në kërkim si autor i dyshuar i zjarrvënies në tregun e fruta-perimeve në Lushnje. Mësohet se më pas ai ka vjedhur edhe një biçikletë për tu larguar, e për të lëvizur në qytet dy ditë pas ngjarjes së ndodhur. 

NJOFTIMI I POLICISE

Kapet dhe vihet në pranga 48-vjeçari i shpallur në kërkim, i dyshuar për zjarrvënien në tregun e fruta-perimeve, ku u shkaktuan dëme të konsiderueshme materiale.

Shërbimet e Komisariatit të Policisë Lushnjë, pas një pune të mirëorganizuar hetimore dhe veprimeve intensive për lokalizimin e autorit, në bashkëpunim me shërbimet e Drejtorisë Vendore të Policisë Durrës, finalizuan operacionin policor të koduar “Zjarrvënësi”.
Në kuadër të këtij operacioni u bë kapja dhe arrestimi i shtetasit K. Ç., 48 vjeç, banues në Durrës, i shpallur më parë në kërkim policor.

LEXO MË SHUMË

Kronikë

Në kërkim durrsaku, Policia: Zjarri te tregu në Lushnje i qëllimshëm

Policia e Lushnjës konfirmon se zjarri në tregun e fruta perimeve ka qenë i qëllimshëm. Në kërkim është shpallur një person nga Durrësi, që në pamjet filmike duket bashkë me një tjetër që ndez zjarrin dhe largohet.

12:49 3 ditë më parë21.05.2026.

Autori

Kronikë

Djegia e tregut në Lushnje, policia dyshon për zjarrvënie të qëllimshme

Bashkia e Lushnjës po përgatit gjithashtu një projektvendim për të kompensuar tregtarët e dëmtuar nga zjarri, i cili pritet të paraqitet në mbledhjen e ardhshme të Këshillit Bashkiak.

20:45 3 ditë më parë20.05.2026.

Autori

Nga hetimet e kryera dyshohet se ky shtetas, më datë 19.05.2026, gjatë orëve të para të mëngjesit, i ka vënë zjarrin tregut të fruta-perimeve në lagjen “Xhevdet Nepravishta”, në qytetin e Lushnjës, dhe më pas është larguar nga vendngjarja, duke u fshehur në qytetin e Durrësit.

Gjithashtu, dyshohet se është autor edhe i vjedhjes së një biçiklete në qytetin e Lushnjës, të cilën e ka përdorur për të lëvizur në qytet, dy ditë para ngjarjes së ndodhur. Biçikleta u gjet dhe u sekuestrua në cilësinë e provës materiale.

Nga këqyrja e pamjeve filmike rezulton se, së bashku me shtetasin K. Ç., shfaqet edhe një person tjetër, i cili, bazuar në hetimet e deritanishme, nuk rezulton të jetë i implikuar në zjarrvënie.

Nën drejtimin e Prokurorisë, vijojnë veprimet hetimore të thelluara për dokumentimin e plotë ligjor të ngjarjes, si dhe për identifikimin e personave të tjerë që mund të kenë lidhje me këtë rast.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale “Shkatërrimi i pronës me zjarr” dhe “Vjedhja”, në ngarkim të shtetasit K. Ç.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)