Liderët europianë bëhen bashkë: Demokraci dhe koordinim ushtarak mbi Iranin

Liderët e katër vendeve kryesore evropiane kanë zhvilluar një bisedë telefonike për të koordinuar veprimet diplomatike dhe ushtarake pas përshkallëzimit të tensioneve në Lindjen e Mesme.

Sipas një njoftimi nga Downing Street, kryeministrja e Italisë Giorgia Meloni, kryeministri britanik Keir Starmer, kancelari gjerman Friedrich Merz dhe presidenti francez Emmanuel Macron diskutuan për situatën e krijuar pas sulmeve të Shteteve të Bashkuara dhe Izraelit ndaj Iranit, si dhe përgjigjes së Teheranit.

Gjatë telefonatës, katër liderët ranë dakord për nevojën e forcimit të bashkëpunimit mes vendeve evropiane, duke u përqendruar në diplomaci dhe në koordinimin e mundshëm ushtarak për të përballuar pasojat e konfliktit dhe për të shmangur përshkallëzimin e mëtejshëm të situatës në rajon.

Biseda u fokusua gjithashtu në rëndësinë e ruajtjes së stabilitetit në Lindjen e Mesme dhe në koordinimin e qëndrimeve mes aleatëve perëndimorë, ndërsa tensionet mes Iranit dhe aleatëve të SHBA-së vazhdojnë të rriten.

Sipas burimeve zyrtare britanike, liderët theksuan se bashkëpunimi i ngushtë mes vendeve evropiane do të jetë thelbësor në ditët në vijim për të menaxhuar krizën dhe për të mbështetur përpjekjet diplomatike që synojnë uljen e tensioneve në rajon.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)