Mesazhi i parë i liderit të ri iranian, kërkon kompensim nga “armiku”: Hormuzi nuk hapet

Udhëheqësi i ri suprem i Iran, Mojtaba Khamenei, ka paralajmëruar se vendi i tij do të kërkojë “kompensim” për dëmet e shkaktuara nga sulmet e Shteteve të Bashkuara të Amerikës dhe Izraeli. Në mesazhin e tij të parë publik që nga marrja e detyrës, ai tha se nëse Irani nuk arrin të marrë kompensim, atëherë do të shkatërrojë prona të armikut në të njëjtën masë sa janë dëmtuar asetet iraniane.

Mesazhi i Khameneit u transmetua në televizionin shtetëror iranian. Në deklaratë, ai nuk i përmendi drejtpërdrejt SHBA-në dhe Izraelin, por iu referua atyre si “armiku”. Sipas tij, Irani do të vazhdojë të sulmojë bazat ushtarake amerikane në vendet fqinje nëse ato nuk mbyllen.

LEXO MË SHUMË

Lindja e Mesme

“Depozitat e naftës në shënjestër”, BBC: Sulme iraniane në Irak, Bahrein dhe Oman

Situata në Gjirin Persik është përshkallëzuar pas goditjeve ndaj disa objekteve energjetike dhe anijeve, duke krijuar shqetësim të madh për sigurinë në zonë.

14:13 59 ditë më parë12.03.2026.

Autori

Lindja e Mesme

Trump: Kapacitetet ushtarake dhe bërthamore të Iranit janë dëmtuar ndjeshëm

Duke folur për mundësinë e goditjes së infrastrukturës kritike iraniane, presidenti amerikan paralajmëroi se Shtetet e Bashkuara kanë aftësinë të ndërhyjnë shpejt në sektorët jetikë të vendit.

10:56 59 ditë më parë12.03.2026.

Autori

Khamenei theksoi se Irani dëshiron marrëdhënie të mira me 15 vendet fqinje, por paralajmëroi se prania e bazave amerikane në këto vende i bën ato objektiv të mundshëm të sulmeve iraniane. Ai u bëri thirrje këtyre shteteve që “të sqarojnë pozicionin e tyre” dhe të mbyllin bazat amerikane “sa më shpejt të jetë e mundur”.

Ndërkohë, udhëheqësi i ri iranian njoftoi gjithashtu se ngushtica strategjike e Hormuzit do të mbetet e mbyllur, duke e cilësuar atë si një “mjet presioni” ndaj kundërshtarëve të Iranit. Kjo rrugë detare është një nga më të rëndësishmet në botë për transportin e naftës.

Ky është mesazhi i parë i Khameneit që nga emërimi i tij në krye të Iranit pas vdekjes së babait të tij, Ali Khamenei. Sipas burimeve, udhëheqësi i ri nuk është shfaqur publikisht pasi raportohet se ka pësuar një frakturë në këmbë dhe lëndime të lehta gjatë bombardimeve që vranë edhe babanë e tij.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)