“Kemi vrarë 650 amerikanë”, Irani: SHBA fsheh shifrat, larguam aeroplanmbajtësen nga brigjet tona

Forcat e Gardës Revolucionare të Iranit njoftuan se mbi 650 anëtarë të forcave amerikane janë vrarë ose plagosur gjatë dy ditëve të para të operacionit hakmarrës iranian “Premtimi i Vërtetë 4”, ndërsa forcat iraniane goditën bazat dhe anijet luftarake amerikane në rajon.

Sulmet përfshinin raketa dhe dronë kundër flotës detare dhe qendrave kryesore ushtarake amerikane në Bahrein, duke detyruar aeroplanmbajtësen USS Abraham Lincoln të largohej nga bregu iranian

Zipas zëdhënësit të IRGC-së, Ali Mohammad Naeinit forcat iraniane shkaktuan humbje të mëdha në instalimet ushtarake amerikane në rajonin e Gjirit Persik.

“Në dy ditët e para të luftës, 650 trupa amerikane u vranë ose u plagosën,” tha ai, duke shtuar se ishte “normale që amerikanët të mohonin ose fshihnin këto humbje.

Ai tha gjithashtu se raketat dhe dronët iranianë goditën disa herë selinë e Flotës së Pestë të Marinës amerikane në Bahrein.

Gjenerali Naeini shtoi se forcat detare iraniane kishin lëshuar katër raketa cruise kundër USS Abraham Lincoln, i cili ndodhej rreth 250–300 km larg bregut të Chabahar. Pas goditjeve, anija u largua drejt Oqeanit Indian.

Konflikti në rajon mbetet i tensionuar dhe situata mund të përshkallëzohet më tej.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)