India zbulon raketën hipersonike, mund të godasë deri në 1500 kilometra

India ka prezantuar për herë të parë publikisht një raketë hipersonike, gjatë paradës ushtarake me rastin e Festës Kombëtare, të zhvilluar në Kartavya Path. Në paradë u shfaq modeli i raketës LR-AShM, e zhvilluar nga Organizata për Kërkime dhe Zhvillim në Mbrojtje, agjencia kryesore kërkimore e Ministrisë indiane të Mbrojtjes.

Sipas autoriteteve indiane, raketa LR-AShM pritet të ketë një rreze veprimi deri në 1500 kilometra, duke e renditur Indinë përkrah fuqive si Rusia, Kina dhe Shtetet e Bashkuara në fushën e teknologjisë hipersonike. Ky kapacitet e vendos të gjithë Pakistanin brenda rrezes së goditjes, përfshirë qytete si Islamabad, Lahore dhe Karachi, si edhe pjesë të mëdha të Tibetit dhe Xinjiangut në Kinë. Po ashtu, Bangladeshi, Sri Lanka, Nepali, Butani dhe rajone perëndimore të Mianmarit ndodhen brenda këtij rreziku teorik.

Në aspektin detar, raketa i jep Indisë kontroll të zgjeruar mbi Oqeanin Indian, duke përfshirë rrugë detare strategjike dhe lëvizje të flotave të huaja. DRDO e përshkruan LR-AShM si një raketë hipersonike e aftë të godasë objektiva statikë dhe lëvizës, me shpejtësi që arrijnë deri në Mach 10 dhe mesatare rreth Mach 5.

Raketa ndjek një trajektore gati balistike, fluturon në lartësi të ulët dhe ka manovrueshmëri të lartë, duke e bërë të vështirë zbulimin nga radarët armikë. Ajo përdor një sistem shtytjeje me dy faza me karburant të ngurtë dhe, sipas burimeve indiane, është rreth 13 metra e gjatë dhe peshon afërsisht 12 tonë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)