Parlamenti si arenë boksi, plas grushti mes deputetëve në Turqi

Seanca plenare e Parlamentit turk që konsistonte me betimin e dy ministrave të rinj në kabinetin qeveritar ka agravuar në përleshje fizike midis deputetëve të partisë në pushtet, AKP, të udhëhequr nga Rexhep Taip Erdogan dhe opozitaravë nga radhët e CHP-së.

Grushta e shkelma pafund, por edhe deputetë të gjakosur ishin panorama e kësaj seance plenare të Asamblesë së Madhe Kombëtare Turke gjatë betimit të Akin Gurlek si Ministër i Drejtësisë dhe Mustafa Cifci si Ministër i Brendshëm.

Prokurori i Stambollit Akin Gurlek erdhi në seancën plenare për t'u betuar si Ministër i Drejtësisë dhe Guvernatori i Erzurumit Mustafa Cifci për të marrë detyrën e Ministrit të Brendshëm, por CHP argumentoi se Gürlek nuk mund të betohet pasi nuk kishte dhënë dorëheqjen nga posti i tij si Prokuror i Përgjithshëm.

AKP kundërshtoi duke thënë se procedura ishte në përputhje me kushtetutën. Nënkryetari i Asamblesë së Madhe Kombëtare, Bekir Bozdag, tha se nuk kishte parregullsi procedurale.

Pasi Bozdağ e ftoi Gürlekun të bënte betimin, deputetët e CHP-së filluan të protestonin dhe pushtuan podiumin. Deputetët e AKP-së gjithashtu u zhvendosën drejt podiumit, duke çuar në një përleshje fizike dhe duke e kthyer Parlamentin në një arenë boksi.

Gjatë tensionit, deputeti i AKP-së për rajonin e Ankarasë, Osman Gökçek, goditi me grusht deputetin e CHP-së nga Şanlıurfa, Mahmut Tanal. Tanal thuhet se pësoi një dëmtim në hundë dhe gjakderdhje.

Pavarësisht konfuzionit dhe akuzave kundër njëri-tjetrit, Akin Gurlek u betua mes tensionit, me deputetët e AKP-së që formuan një rreth rreth tij. Menjëherë pas kësaj, edhe Mustafa Cifci doli në skenë dhe bëri betimin në një mënyrë të ngjashme.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)