Kanadaja kërkon infermierë, paga deri në 5000 euro dhe kushte të favorshme

Kanadaja ka hapur mundësi të reja punësimi për infermierët, duke tërhequr vëmendje të madhe në sektorin e shëndetësisë. Disa struktura shëndetësore në Montreal janë në kërkim të stafit të kualifikuar dhe ofrojnë paga dukshëm më të larta se nw vendet e tjera.

Sipas të dhënave, paga mujore bruto varion nga 4.380 deri në 8.140 dollarë kanadezë. Përveç pagës, ofrohet edhe një paketë e gjerë përfitimesh që përfshin mbulimin e shpenzimeve të udhëtimit, përfshirë biletat ajrore, si dhe asistencë të plotë për procesin e emigrimit.

Ofertat lidhen kryesisht me institucione të cilat kërkojnë profesionistë me diplomë në infermieri ose titull ekuivalent dhe të paktën një vit përvojë pune.

Një kusht thelbësor për aplikim është njohja e gjuhës frënge në nivel mesatar, pasi kjo është e domosdoshme për të punuar në sistemin shëndetësor të Kebekut.

Përveç kushteve financiare, kandidatët përfitojnë kurse falas të gjuhës frënge, mbështetje administrative dhe ndihmë të vazhdueshme gjatë gjithë procesit të integrimit në vendin e ri të punës.

Kjo paketë e plotë e bën ofertën shumë tërheqëse për infermierët që kërkojnë mundësi më të mira jashtë vendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)