“Pezullimi nuk paralizon qeverinë, por mbron drejtësinë”, Bardhi: Rama po ndërhyn për të mbrojtur Ballukun

Kryetari i Grupit Parlamentar të Partisë Demokratike, Gazment Bardhi, ka reaguar për kërkesën e Prokurorisë ndaj zv/kryeministres Belinda Balluku. Përmes një postimi në rrjetet sociale, ai ka akuzuar kryeministrin Edi Rama se po përpiqet ta devijojë vëmendjen nga thelbi i çështjes.

Sipas Bardhit, përpjekja për ta paraqitur hetimin penal si debat teorik mbi ndarjen e pushteteve është një manovër politike që lidhet me “frikën nga humbja e pushtetit”. Ai thekson se ligji parashikon qartë pezullimin nga detyra si masë procedurale, e cila, sipas tij, nuk përbën shkarkim dhe nuk paralizon institucionin, por ndalon përkohësisht ushtrimin e funksionit për të mbrojtur procesin hetimor.

“Të thuash se ‘pezullohet funksioni’ është deformim i qëllimshëm. Gjykata nuk pezullon qeverinë, por një individ nga detyra”, shprehet Bardhi.

Ai shton se në vendet e Bashkimit Evropian dhe në Shtetet e Bashkuara, zyrtarët që përfshihen në hetime për korrupsion japin dorëheqjen, ndërsa akuzon Ramën për ndërhyrje politike përmes ndryshimeve ligjore të firmosura në momentin kur Kuvendi duhet të shqyrtojë kërkesën për arrest të Belinda Ballukut.

Sipas Bardhit, kërkesa për arrest ndodhet prej gati dy muajsh në Kuvend dhe duhet të trajtohet pa vonesë nga Këshilli i Mandateve. Ai thekson se respekti ndërkombëtar fitohet me zbatimin e shtetit ligjor dhe jo me “fotografi ceremoniale”.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)