Miliarderi merr drejtimin e NASA-s

Investitori miliarder Jared Isaacman është konfirmua shefi i ardhshëm i NASA-s, duke i dhënë fund një procesi të pazakontë nominimi ku Presidenti i SHBA-së Donald Trump e paraqiti emrin e tij, e tërhoqi dhe më pas e rinominoi.

Isaacman, një pilot amator avionësh reaktivë i cili u bë astronauti i parë jo-profesionist që kreu një shëtitje në hapësirë, është administratori i parë i NASA-s që vjen direkt nga jashtë qeverisë.

Për shumë njerëz, suksesi i mandatit të tij do të vendoset nga një provë vendimtare, nëse ai mund t'i kthejë njerëzit në Hënë përpara Kinës.

Trump e ka bërë të qartë se dëshiron që SHBA-të të krijojnë një bazë të përhershme hënore, si për të mundësuar nxjerrjen e burimeve ashtu edhe për të shërbyer si një trampolinë për në Mars.

Isaacman thotë se e mbështet plotësisht misionin në Hënë, duke e vënë atë në kundërshtim me Musk, i cili ka thënë se shkuarja në satelitin e vetëm të Tokës, është një shpërqendrim nga udhëtimi për në Mars.

Sipas Forbes, pasuria neto e Isaacman vlerësohet në 1.2 miliardë dollarë, e fituar kryesisht nga kompania e tij e përpunimit të pagesave dhe shitja e firmës së tij që trajnonte pilotë dhe operonte një flotë private avionësh ushtarakë.

Roli i administratorit të NASA-s do të jetë puna e tij e parë në politikë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)