Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriVLEN garanton studentët protestues: Provimi do të jepet në shqip
VLEN akuzoi pushtetin e kaluar se për më shumë se 20 vite e ka lënë të pazgjidhur këtë çështje dhe e ka përdorur vetëm për propagandë politike.
18.05.2026. 22:20
Koalicioni VLEN ka reaguar pas protestës së zhvilluar nga studentët shqiptarë në Maqedoninë e Veriut për çështjen e provimit të jurisprudencës në gjuhën shqipe, duke deklaruar se problemi shumëvjeçar po shkon drejt një zgjidhjeje konkrete.
Në një reagim publik në Facebook, VLEN theksoi se bashkëkryetarët Bilall Kasami dhe Izet Mexhiti zhvilluan një takim pune me kryeministrin Hristijan Mickoski në lidhje me këtë çështje.
Sipas koalicionit, në takim është diskutuar përdorimi i gjuhëve gjatë dhënies së provimit të jurisprudencës, me synimin që zgjidhja të jetë “e plotë, funksionale dhe në përputhje me Kushtetutën dhe Ligjin për Përdorimin e Gjuhëve”.
VLEN akuzoi pushtetin e kaluar se për më shumë se 20 vite e ka lënë të pazgjidhur këtë çështje dhe e ka përdorur vetëm për propagandë politike, ndërsa shtoi se tani po ndërmerren hapa konkretë për garantimin e të drejtave të shqiptarëve.
“Çështjet e shqiptarëve nuk zgjidhen me deklarata boshe, por me punë konkrete institucionale dhe zgjidhje të qëndrueshme”, thuhet në reagimin e koalicionit.
Deklarata e VLEN vjen pas protestës së studentëve shqiptarë, të cilët kërkuan mundësinë që provimi i jurisprudencës të zhvillohet edhe në gjuhën shqipe, duke e cilësuar këtë si një të drejtë themelore dhe kushtetuese.
Koalicioni theksoi se arsimi, drejtësia dhe barazia gjuhësore mbeten baza e një shteti modern dhe premtoi zgjidhje afatgjata në interes të studentëve dhe qytetarëve shqiptarë në vend.
Shkarkoni aplikacionin Newsmax Balkans:
Komente (0)