Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriMerr fund ankthi dhe pritja, Arsenal zyrtarisht kampion i Premier League, City i bën “nderin e jetës”
Arsenal është zyrtarisht kampion i Anglisë për sezonin 2025-2026. Topçinjtë përfituan nga një humbje e Manchester City për t’u konfirmuar dhe matematikisht në krye të renditjes.
19.05.2026. 22:26
Arsenali më në fund mund të quhet me plot gojën kampioni i ri i Premier League për sezonin 2025-2026.
Pas 22 vitesh, Topçinjtë ngrejnë trofeun më të rëndësishëm të futbollit anglez, kjo edhe falë “dhuratës” së rivalëve direkt për titull Manchester City.
“Qytetarët” barazuan në ndeshjen e radhës në transfertën e vështirë ndaj Bournemouth me rezultatin 1-1, duke lënë diferencën në krye të tabelës me 4 pikë, tashmë që kampionati ka edhe 90 minuta të fundit për të luajtur.
Takimi nisi vrullshëm për të dyja ekipet të cilat kërkuan golin që në minutat e para. Pas disa rasteve të City, ishte Kroupi ai që në minutën e 39, me një goditje të bukur nga jashtë zonës gjeti rrjetën duke shtangur ekipin e Guardiolës.
City shtoi forcat në mesfushë dhe sulm dhe tentoi të intensifikojë sulmet, por mbrojtja e Bournemouth ishte solide dhe nuk la hapësira për miqtë. Goli i barazimit për City erdhi në minutën e 95, duke mos pasur më mundësi për të bërë më shumë.
Në ndeshjen e fundit të kampionatit, që duhet thënë luhet vetëm për statistikë tashmë, Arsenali do të luajë me Crystal Palace, teksa City me Aston Villa.
Ky është titulli i 14 kampion për Arsenal, të cilët të fundit e kishin fituar në vitin 2003-2004 me Arsene Wenger.
Shkarkoni aplikacionin Newsmax Balkans:
Komente (0)