Braktisi Shqipërinë sepse donte Botërorin, Zvicra le në shtëpi Bajramin

Mbrojtësi me origjinë shqiptare, Adrian Bajrami, nuk do të jetë pjesë e përfaqësueses së Zvicrës në turneun e Botërorit, pasi emri i tij nuk është përfshirë në listën zyrtare të publikuar nga stafi teknik i ekipit helvet.

Futbollisti, i cili më herët kishte vendosur të linte Kombëtaren e Shqipërisë për t’iu bashkuar Zvicrës, kishte shpresa të mëdha për një ftesë në këtë grumbullim, por përfundimisht nuk është përzgjedhur nga trajneri Murat Yakin, i cili ka preferuar alternativa të tjera në repartin e mbrojtjes.

Vendimi i stafit teknik vjen pas një procesi përzgjedhjeje ku Zvicra ka testuar disa lojtarë të rinj dhe ka konsoliduar grupin për kompeticionin e madh. Mungesa e Bajramit konsiderohet një zhgënjim personal për futbollistin, i cili kishte shpresuar të siguronte vend në listën finale.

Ndërkohë, në përfaqësuesen zvicerane do të jenë të pranishëm edhe dy futbollistë me origjinë shqiptare, Granit Xhaka dhe Ardon Jashari, të cilët vazhdojnë të jenë pjesë e rëndësishme e ekipit kombëtar.

Lista e Zvicrës pritet të mbetet nën vëmendje deri në fillimin e Botërorit, ndërsa stafi teknik ka lënë të hapur mundësinë për ndryshime të vogla deri në afatin përfundimtar.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)