Sylvinho i jep lamtumirën Kombëtares: Shpirti dhe zemra e djersa nuk duhet të mungojë kurrë

Pas përfundimit të aventurës së tij në krye të Kombëtares shqiptare, Sylvinho ka mbajtur një fjalim lamtumire për lojtarët dhe stafin, duke falënderuar Federatën e Futbollit, ekipin dhe tifozët për mbështetjen gjatë gjithë periudhës së bashkëpunimit. Tekniku brazilian u shpreh mirënjohës për mënyrën se si u prit në Shqipëri dhe për rrugëtimin e përbashkët që zgjati 3 vite e gjysmë.

“Mirëmëngjesi çuna dhe goca. Ne si ekip kemi punuar shumë për të përfaqësuar këtë kombëtare. Është një komb që më ka pritur shumë mirë. Tani e njoh shumë mirë Shqipërinë, Tiranën. Dua t’ju falënderoj shumë”, deklaroi ai.

Sylvinho falënderoi gjithashtu presidentin e FSHF-së, Armando Duka, si dhe strukturat e federatës për besimin dhe bashkëpunimin. “Falënderoj presidentin për punën, besimin, mbi 100 njerëz që punojnë në këtë federatë. Dua të falënderoj gjithë stafin, gjithë futbollistët që kanë bërë një rrugëtim prej 3 vite e gjysmë dhe në fund, tifozët dashamirës të kombëtares”, tha ish-trajneri i kuqezinjve.

Ai rikujtoi edhe mesazhin që kishte dhënë që në ditën e parë të mbërritjes së tij në Shqipëri, duke theksuar se përkushtimi dhe sakrifica janë çelësi i suksesit. “Më kujtohet që nga dita e parë që kam qenë këtu, kam thënë diçka; shpirti dhe zemra e djersa nuk duhet të mungojë kurrë. Ia kemi dalë të gjithë sëbashku, siç e kam thënë gjithmonë”, u shpreh Sylvinho.

Në mbyllje, trajneri brazilian uroi fat dhe sukses për pasuesin e tij në pankinën e Kombëtares. “Dua t’ju falënderoj të gjithëve ju që më dëgjoni pas 3 vite e gjysmë. Shumë suksese trajnerit të ri. Faleminderit shumë!”, përfundoi ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)