Flet për herë të parë trajneri i ri i Shqipërisë, Duka i vendos menjëherë objektivat

Federata Shqiptare e Futbollit ka hapur zyrtarisht një epokë të re për Kombëtaren kuqezi. Në një konferencë për shtyp të mbajtur këtë të martë, presidenti i FSHF, Armand Duka, prezantoi italianin Rolando Maran si trajnerin e ri të Kombëtarja shqiptare e futbollit.

Në krah të Dukës ishte edhe ish-trajneri Sylvinho, me të cilin FSHF-ja konfirmoi mbylljen e bashkëpunimit me konsensus.

“Mbyllëm një cikël me Silvinjon dhe stafin e tij, e falenderojmë për kontributin e tij në Kombëtare. Bashkë kemi kaluar një periudhë shumë të rëndësishme, me emocione, kemi qeshur dhe kemi qarë. Në futboll konsiderohet normale mbyllja e një cikli”, tha Duka.

Duka u shpreh i bindur se Maran është zgjedhja e duhur për objektivat e ardhshme të Shqipërisë.

LEXO MË SHUMË

Kombëtarja

Rolando Maran, trajneri i ri i Kombëtares shqiptare

Pas largimit të Sylvinho, Federata Shqiptare e Futbollit raportohet se ka zgjedhur trajnerin e ri që do të drejtojë kuqezinjtë.

09:58 19 h më parë19.05.2026.

Autori

Futboll

Ofertë me ulje rroge, Sylvinho largohet nga Shqipëria: Sot prezantohet trajneri i ri

FSHF ka paralajmëruar një konferencë për shtyp ditën në orën 10:00, ku pritet të bëhet zyrtare ndarja me Sylvinho-n dhe prezantimi i trajnerit të ri të Kombëtares: një teknik italian, por emër jo shumë i njohur.

08:42 21 h më parë19.05.2026.

Autori

“Kam bindjen e plotë se kemi bërë zgjedhjen e duhur, duke pasur parasysh eksperiencën e tij në trajnim. Objektivat tona mbeten aty ku duam të jemi, vendi i parë në Nations League dhe kualifikimi për në EURO 2028”, tha kreu i FSHF.

Nga ana tjetër, trajneri italian foli për herë të parë si teknik i kuqezinjve, duke shprehur emocionet për detyrën e re.

“Dua të falenderoj presidentin për këtë mundësi për mua. Po më jep mundësinë për të përfaqësuar një popull me krenari të madhe. Dua të transmetoj këtë dashuri të madhe për këtë fanellë.”

Maran shtoi se drejtimi i Shqipërisë është një mision që e ndjen fort emocionalisht.

“Për mua është një impenjim që po ndërmarr, është diçka që e ndjej brenda. Është shumë e fortë ajo që po ndjej për këtë mision.”

62-vjeçari italian ka drejtuar më parë skuadra të njohura të Serie A dhe Serie B, si Cagliari, Brescia dhe Pisa.

Profili i trajnerit të cilit iu besua drejtimi i Kombëtares

62-vjeçar, një emër jo shumë i njohur në arenën ndërkombëtare, por që në Itali ka drejtuar disa skuadra të rëndësishme. Rolando Maran, trajneri i ri i Kombëtares shqiptare, në CV-në e tij 24-vjeçare të punës në stol, mes të tjerave ka punuar te Bari, Vicenza, Catania, Chievo, Cagliari, Genoa, Pisa dhe Brescia.

Megjithatë, në Serie A ka drejtuar Catania-n, ku qëndroi për 16 muaj në krye të ekipit nga qershori 2012 deri më tetor 2013. Më pas, në tetor 2014 mori drejtimin e Chievo-s, me klubin veronez që e largoi në 2018-ën vetëm pak javë përpara fundit të kontratës, ndërsa ekipi kishte rënë në Serie B.

Më 7 qershor 2018, Maran u emërua të Cagliari ku firmosi kontratë 2-vjeçare. Pas ecurisë së jashtëzakonshme, me 7 fitore në 12 ndeshjet e para, sardët ishin pozicionuar në zonën Champions. Por ecuria e mëvonshme nuk ishte aq mbresëlënëse: më 3 mars 2020, Cagliari vendosi ta shkarkojë nga detyra pas 12 humbjeve me radhë.

Më 26 gusht 2020, Maran firmosi kontratë 2-vjeçare me Genoa-n. Aventura zgjati deri më 21 dhjetor 2020, kur klubi vendosi ta largojë nga stoli. Nga ajo periudhë, karriera e trajnerit ka qenë në rënie, pavarësisht emërimeve në krye të skuadrave si Pisa dhe Brescia.

Në nëntor 2023, Rolando Maran u emërua te Brescia. Në vitin 2024, klubi vendosi ti rinovojë kontratën deri në vitin 2026. Megjithatë, aventura zgjati deri më 9 dhjetor 2024 dhe prej asaj periudhe, tekniku ka qenë pa punë, duke përfituar pagën sipas kontratës me Brescia-n. Pasi ka kaluar 17 muajt e fundit në shtëpi, Rolando Maran tashmë e gjen vetën në krye të stolit të Shqipërisë.

Trajneri italian do të firmosë kontratë 2-vjeçare, deri në qershor të 2028-ës. Gjatë kësaj periudhe, ai do ta udhëheqë ekipin kuqezi në edicionin e ri të Nations League dhe më pas në kualifikueset e Europianit 2028.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)