Nëpër botë
Sulm i rëndë në qytetin turk, vriten 4 persona, plagosen 8 të tjerë
Mësohet se gjatë arratisjes ai vrau edhe një bari që po kulloste delet në afërsi, si dhe një shofer kamioni.
21:18 1 ditë më parë18.05.2026.
AutoriOfertë me ulje rroge, Sylvinho largohet nga Shqipëria: Sot prezantohet trajneri i ri
FSHF ka paralajmëruar një konferencë për shtyp ditën në orën 10:00, ku pritet të bëhet zyrtare ndarja me Sylvinho-n dhe prezantimi i trajnerit të ri të Kombëtares: një teknik italian, por emër jo shumë i njohur.
19.05.2026. 08:42
Sylvinho nuk do të jetë më trajner i Kombëtares shqiptare. Largimi surprizë u dha mëngjesin e kësaj të marte, pasi negociatat për rinovimin e kontratës nuk kanë përfunduar me marrëveshje mes palëve.
Burime pranë palëve bëjnë me dije se Federata Shqiptare e Futbollit i ka paraqitur teknikut brazilian një ofertë të re, por me ulje page. Nga ana e tij, Sylvinho kishte kërkuar kushte të tjera financiare. Mësohet se federata ka propozuar një kontratë me vlerë më të ulët se shifra prej rreth 800 mijë eurosh neto që ai përfitonte më parë.
Po aq e befasishme edhe lëvizja e FSHF-së, që ka paralajmëruar një konferencë për shtyp ditën e sotme në orën 10:00, ku pritet të bëhet zyrtare ndarja me Sylvinho-n dhe prezantimi i trajnerit të ri të Kombëtares. Sipas informacioneve të fundit, pasuesi i Sylvinho-s pritet të jetë një trajner italian, por jo një emër i njohur në skenën ndërkombëtare.
Edhe pse Sylvinho ka qenë i pranishëm në Tiranë ditët e fundit, mësohet se vendimi për largimin e tij është marrë më herët dhe palët nuk kanë zhvilluar bisedime të reja për ndryshimin e kushteve.
Sylvinho largohet pas një periudhe të suksesshme në krye të Kombëtares, prej emërimit më 2 janar 2023. Gjatë këtyre 3 viteve në krye të kuqezinjve, ai arriti ta kualifikonte Shqipërinë në Europianin 2024 dhe e udhëhoqi skuadrën deri në ndeshjet historike të fazës “play-off” të Botërorit 2026.
Shkarkoni aplikacionin Newsmax Balkans:
Komente (0)