Aksident tragjik në Kosovë, humb jetën një person dhe plagosen 4 të tjerë

Një aksident i rëndë rrugor është regjistruar në orët e para të mëngjesit në Kosovë, ku si pasojë një person ka humbur jetën, ndërsa katër të tjerë kanë mbetur të plagosur.

Sipas njoftimit të Policisë së Kosovës, ngjarja ka ndodhur rreth orës 04:55 në fshatin Dollc të Klinës. Menjëherë në vendngjarje kanë mbërritur njësitet kompetente të Njësisë Rajonale të Komunikacionit Rrugor, të cilat kanë nisur hetimet për zbardhjen e plotë të rrethanave.

Autoritetet bëjnë me dije se viktima ndërroi jetë në vendin e ngjarjes, ndërsa vdekja u konstatua nga ekipi mjekësor.

Katër personat e plagosur janë transportuar në spitalin rajonal të Pejës për të marrë ndihmën mjekësore dhe, sipas mjekëve, ndodhen jashtë rrezikut për jetën.

Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore në Prishtinë, ku do t’i nënshtrohet obduksionit, ndërsa hetimet për shkaqet e aksidentit vijojnë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)