Shkatërrim pas ciklonit në Siçili: Plazhe të zhdukura, varka në rrugë dhe ndërtesa të dëmtuara

Cikloni “Harry”, që goditi Siçilinë për tre ditë me radhë, shkaktoi dëme të rënda përgjatë zonave bregdetare të Katanias dhe Mesinës. Stuhia, e cila u shoqërua me erë deri në 150 km/h dhe valë që arritën pothuajse në 10 metër lartësi, shkatërroi infrastrukturën detare dhe zonat turistike.

Sipas vlerësimeve të para, dëmet materiale kapërcejnë shifrën e gjysmë miliardë eurove. Fatmirësisht, më ishullin e mirënjohur italian nuk u regjistrua asnjë viktimë. Kjo edhe falë ndërhyrjes së shpejtë dhe të koordinuar të Mbrojtjes Civile. Gjithsesi, pasojat ekonomike dhe mjedisore janë shumë të rënda.

Foto nga web

Sapo kushtet e motit u përmirësuan, banorët në qytetin Mashali nisën menjëherë punën për pastrim. Pamjet pas kalimit të ciklonit ishin dramatike: Rrugë të shkatërruara, plazhe tërësisht të fshira nga harta, varka të “parkuara” në brendësi të tokës, si dhe segmente të tëra të shëtitoreve bregdetare të cilat ishin përpirë nga deti.

Autoritetet lokale dhe rajonale po kryejnë inspektime për të vlerësuar shkallën e plotë të dëmeve. Për të përshpejtuar ndihmën për zonat e prekura dhe për të bërë të mundur nisjen e shpejtë të rindërtimit, në këto zona është shpallur gjendje gatishmërie.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)