Ndjekja e policisë përfundon në tragjedi, humbin jetën 3 të pafajshëm në aksident

Tre persona humbën jetën pas një ndjekjeje dramatike me makina në periferi të Romës, mbrëmjen e së hënës.

Ngjarja ndodhi rreth orës 22:00 në zonën Quarticciolo, kur një automjet nuk iu bind urdhrit të ndalimit nga policia dhe u largua me shpejtësi. Në ndjekje u përfshi edhe një patrullë e karabinierëve.

Pas disa kilometrash, pranë rrugës Collatina, makina në arrati hyri në korsinë e kundërt dhe u përplas kokë më kokë me një automjet tjetër privat.

Si pasojë e përplasjes humbën jetën tre pasagjerët e makinës së dytë anëtarë të një familje, që ktheheshin nga një festë.

Çifti ndërroi jetë në vendngjarje, ndërsa djali vdiq pak më vonë në spitalin Policlinico Umberto I.

Tre personat që ndodheshin në makinën në arrati, me origjinë nga Amerika e Jugut, u arrestuan me akuzat për vrasje, mosbindje ndaj forcave të rendit dhe posedim mjetesh për vjedhje.

Autoritetet po vijojnë hetimet për të zbardhur plotësisht rrethanat e aksidentit tragjik.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)