Franca preket nga kriza e karburantit, shumë pika furnizimi kanë mungesë

Qeveria franceze ka bërë me dije se rreth 18% e stacioneve të karburantit në Francë përballen me mungesa furnizimi, ndërsa çmimet e larta të benzinës dhe naftës po shtojnë presionin mbi drejtuesit dhe bizneset. Situata ka nxitur gjithashtu pakënaqësi në rrugë, me bllokime të përkohshme të trafikut, sidomos në pjesën perëndimore të vendit.

Rritja e çmimeve globale të naftës, e nxitur nga konflikti SHBA-Izrael në Iran, ka shtuar kostot energjetike ndërkombëtare. Megjithatë, Ministria e Energjisë në Francë tha se mungesat në vend janë pasojë e problemeve logjistike dhe fluksit të madh të drejtuesve që mbushin depozitat në stacionet e kompanisë TotalEnergies, e cila ka vendosur të mbajë çmimet e karburantit nën rivalët e saj.

TotalEnergies njoftoi se çmimi i benzinës pa plumb mbetet në maksimum 1.99 euro për litër gjatë muajit prill, ndërsa çmimi i naftës do të rritet në 2.25 euro për litër, duke u afruar më shumë me çmimet e tregut.

Qeveria ka njoftuar masa mbështetëse për të lehtësuar efektin e rritjes së çmimeve, duke përfshirë mbi 70 milionë euro ndihma për transportin, bujqësinë dhe peshkimin, përfitime shtesë për familjet me të ardhura të ulëta dhe kredi për bizneset e vogla.

Megjithëse situata nuk ka arritur nivelet e protestave të vitit 2018-19, kur Lëvizja e “Jelekëve të Verdhe” shkaktoi trazira masive, disa kamionë dhe drejtues vendosën bllokime rrugore në Nantes për të shprehur shqetësimin.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)