Kërcënim për bombë, evakuohet nga shtëpia kryeministri australian

Kryeministri i Australisë, Anthony Albanese, u evakuua përkohësisht nga The Lodge në një vend të sigurt të martën në mbrëmje pas një kërcënimi të dyshuar me bombë.

Kwrcwnimi ishte i lidhur me shfaqjet e ardhshme në Australi nga Shen Yun, një kompani vallëzimi dhe muzike klasike kineze me seli në SHBA e ndaluar në Kinë.

Kërcënimi u dërgua në një email organizatorëve lokalë të Shen Yun Performing Arts, duke paralajmëruar se eksplozivë dyshohet se ishin vendosur rreth Lodge (rezidencës zyrtare të kryeministrit në Canberra) dhe do të shpërthenin nëse shfaqjet do të vazhdonin.

"Sasi të mëdha eksplozivësh nitro-glicerine janë vendosur rreth Lodge të Kryeministrit Australian, të vendosur në Adelaide Avenue në zonën Deakin të Canberra," thuhej në mesazh.

"Nëse këmbëngulni të vazhdoni me shfaqjen, atëherë Lodge e Kryeministrit do të shpërthejë në gërmadha dhe gjaku do të rrjedhë si lumë."

Shen Yun ia kaloi kërcënimin Policisë Federale Australiane (AFP) vonë pasdite. Oficerët iu përgjigjën rreth orës 6 pasdite sipas orës lokale dhe kryen një kontroll të plotë të rezidencës. "U ndërmor një kontroll i plotë i një institucioni mbrojtës dhe nuk u gjet asgjë e dyshimtë," tha AFP në një deklaratë. "Nuk ka asnjë kërcënim aktual për komunitetin ose sigurinë publike."

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)