Ndahet nga jeta në moshën 79-vjeçare ish kongresmeni i shqiptarëve Eliot Engel

Ish kongresmeni amerikan, mik i shqiptarëve, Eliot Engel është ndarë nga jeta në moshën 79-vjeçare. Për tre dekada ai përfaqësoi veriun e Bronksit në Nju Jork, dhe ishte në avokat i paqes globale dhe të drejtave të njeriut. 

Në vitet e fundit të karrierës së tij, Engel shërbeu si kryetar i Komisionit të Punëve të Jashtme në Dhomën e përfaqësuesve, me ndikim në politikën amerikane. “Gjatë më shumë se 44 viteve të tij në shërbim publik, Eliot Engel luftoi pa u lodhur për zgjedhësit e tij në vend dhe për paqen dhe sigurinë në mbarë botën. Ne e duam dhe na mungon shumë”, njoftoi familja e Engel.

LEXO MË SHUMË

Aktualitet

Ndarja nga jeta e Eliot Engel, presidenti Begaj: Humbëm një mik të shqiptarëve

Presidenti Bajram Begaj ka shprehur vlerësimin e ti për figurën e ish kongresmenit amerikan Eliot Engel që u nda nga jeta në moshën 79-vjeçare. Në mesazhin e tij ai thotë se Engel është mik i shqiptarëve dhe derë gjithmonë e hapur për ta, duke vlerësuar mbështetjen e tij për Kosovën dhe Shqipërinë.

10:01 1 h më parë11.04.2026.

Autori

Eliot Engel ka pasur një rol të rëndësishëm për çështjen shqiptare, sidomos gjatë krizës së Kosovës, ku si anëtar i Kongresit Amerikan dhe më pas kryetar i Komisionit për Punët e Jashtme në Dhomën e Përfaqësuesve, ai ishte një nga zërat më të fortë në SHBA në mbështetje të shqiptarëve të Kosovës. Engel loboi fuqishëm për ndërhyrjen e NATO kundër regjimit të Slobodan Milošević, duke e konsideruar të domosdoshme ndalimin e spastrimit etnik. 

Ai gjithashtu ka mbështetur vazhdimisht pavarësinë e Kosovës dhe forcimin e marrëdhënieve SHBA–Shqipëri, duke u parë si një aleat i palëkundur i shqiptarëve në politikën amerikane për dekada. Ai ka promovuar integrimin e Shqipërisë në strukturat euroatlantike, përfshirë anëtarësimin në NATO në vitin 2009, dhe ka mbështetur reformat demokratike, sundimin e ligjit dhe stabilitetin rajonal. Engel ka vizituar shpesh Shqipërinë dhe ka qenë një zë pro shqiptar në Kongres, duke ndihmuar në konsolidimin e imazhit të vendit si aleat i besueshëm i SHBA-së në Ballkan.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)