“Nëse bie zjarr, pjek njerëz”, Braçe denoncon sigurinë në Tiranë: Lagjet kurth, nuk futet as zjarrfikësja

Deputeti socialist Erion Braçe ka ngritur alarmin për kushtet e sigurisë në disa zona të Tiranës, duke denoncuar mungesën e aksesit për mjetet e emergjencës në rrugicat mes pallateve. Kjo ndodh edhe në mes të kryeqytetit, në një prej zonave më të rëndësishme dhe më të kushtueshme për të blerë banesë, siç është Libri Universitar.

Përmes një videoje të publikuar në rrjetet sociale, Braçe ka treguar nga afër situatën në zonë, të cilën e cilësoi si një “kurth urban”. Sipas tij, një zjarr mund të shkaktojë pasoja tragjike për banorët. Deputeti shfaq në pamje rrugë tepër të ngushta mes ndërtesave, duke theksuar se automjetet e zjarrfikëses nuk mund të hyjnë në rast emergjence.

Reagimi i Erion Braçes:

LAGJET KURTH NË MES TË TIRANËS - KËTU TE LIBRI UNIVERSITAR, NJË PALLAT MË POSHTË;

Zjarri këtu, nëse bie, bën gjëmën - SHIHENI;

As hyn e as del dot një zjarrfikëse, një zjarr nga brenda, në këtë itinerar që po ndjek unë, bën gjëmën, pjek njerëz.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)