Eurovision, "Nan" e Alis jehon sot në skenë në Vjenë

Në Vjenë ka nisur edhe edicioni i 70-të i Eurovision ku janë mbledhur fansa nga e gjithë Europa. 

Motoja e këtij viti i spektaklit është "Të bashuar nga muzika", dhe janë 35 shtete që garojnë. Eventi rikthehet në Austri pas 11 vitesh, dhe Shqipëria këtë vit përfaqësohet me artistin Alis dhe këngën e tij "Nan".

Ai do të këndojë këtë mbrëmje në arenën  “Wiener Stadthalle” të Vjenës. Kënga mbart emocione dhe mesazh të fuqishëm për figurën e nënës në familjen shqiptare.  "Kjo është pjesa më e bukur që përjetojnë artistët në Eurovizion. Fansat kanë një energji që nuk di si ta përshkruaj. Jam jashtë mase mirënjohës për gjithë mbështetjen e shqiptarëve dhe uroj t’i bëj sa më krenarë”, tha Alis për RTSH.

Rregullat e reja

Këtë vit kanë ndryshuar dhe rregullat e vlerësimit në Eurovision, ku numri maksimal i votave për person është përgjysmuar në 10, për të shmangur aktivitetet e dyshimta. 

Si mund të votojmë?

Në Eurovision rol të madh ka diaspora shqiptare. Nëse janë pjesë e vendeve që janë pjesëmarrëse të Eurovizionit, mjafton numri 13 që është kënga përfaqësuese e Alis dhe gjithashtu kodet e vendeve të tyre.

Ndërsa nëse janë nga vende të tjera që nuk janë pjesë e Eurovizionit, ata mund të votojnë më datë 14 për këngën e Alis gjatë gjithë ditës së sotme. Nuk do të mund të votojnë në momentin që transmetohet drejtpërdrejt spektakli i Eurovizionit dhe do të mund të votojnë edhe pak minuta pasi kënga e Alis dhe pasi vetë spektakli të ketë përfunduar në mënyrë që votat e tyre të bashkohen si një buqetë dhe të na çojnë në finale. Shqipëria synon kualifikimin në finalen e madhe të së shtunës, në një garë që mbledh artistë nga e gjithë Europa dhe më gjerë.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)