Kush e ruante Maduron? 32 kubanë të vrarë në luftime, Trump zbulon gjendjen e ushtarëve amerikanë të plagosur

Presidenti i Shteteve të Bashkuara, Donald Trump, ka deklaruar se ushtarët amerikanë që u plagosën gjatë një operacioni të forcave speciale për arrestimin e Nicolas Maduro janë tashmë “në gjendje të mirë shëndetësore”.

Duke folur për gazetarët në bordin e Air Force One, gjatë kthimit drejt Uashingtonit pas pushimeve të Krishtlindjeve dhe Vitit të Ri në Mar-a-Lago, Trump e përshkroi misionin si jashtëzakonisht të rrezikshëm, por të suksesshëm. “Ishte një operacion shumë i rrezikshëm. Ishte i jashtëzakonshëm. Patëm disa të plagosur, por të gjithë janë në gjendje të mirë tani”, u shpreh ai.

Presidenti amerikan vlerësoi lart guximin, profesionalizmin dhe patriotizmin e trupave amerikane, të cilat u përballën me të shtëna gjatë uljes me helikopter në kompleksin ushtarak ku ruhej Maduro në Karakas. “Helikopterët u qëlluan, por ata zbritën në tokë. Kishte talent të jashtëzakonshëm dhe trimëri të pabesueshme”, tha Trump, duke shmangur detaje të mëtejshme për operacionin, shkruan Newsmax.

Ai shtoi se Maduro ruhej nga forca ushtarake kubane, ndërsa autoritetet e Kubës kanë njoftuar se 32 shtetas kubanë u vranë gjatë përplasjes. Sipas Trump, nga ana amerikane nuk pati viktima, por vetëm lëndime të lehta.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)