“Po rrëzon rendin botëror dhe po e kthen në strofull hajdutësh”, Presidenti gjerman sulmon Trump

Presidenti gjerman Frank-Walter Steinmeier kritikoi ashpër politikën e jashtme të Shteteve të Bashkuara të Amerikës nën drejtimin e Presidentit Donald Trump dhe i bëri thirrje bashkësisë ndërkombëtare që të mos lejojë që rendi botëror të shpërbëhet dhe të shndërrohet në një "strofull hajdutësh" ku të paskrupullt marrin çfarë të duan.

Në deklaratën tepër të fortë, ku ju referua lëvizjeve të fundit nga SHBA-të, siç është arrestimi i presidentit venezuelian Nicolas Maduro, Steinmeier paralajmëroi se demokracia globale tani është më e ekspozuar ndaj sulmeve se kurrë më parë.

Duke folur për aneksimin e Krimesë nga Rusia dhe pushtimin e plotë të Ukrainës si një pikë kthese historike, Steinmeier tha se sjellja e SHBA-së përfaqësonte një tjetër pikë kthese të madhe historike.

"Po dëshmojmë rënien e vlerave nga partneri ynë më i rëndësishëm, Shtetet e Bashkuara të Amerikës, të cilat morën pjesë në ndërtimin e këtij rendi botëror", tha Steinmeier në një simpozium të mbajtur të mërkurën në mbrëmje.

“Bëhet fjalë për parandalimin e shndërrimit të botës në një strofull hajdutësh, ku më të këqijtë marrin atë që duan pa hezitim, dhe rajone ose vende të tëra bëhen pronë e disa fuqive të mëdha”, paralajmëroi ai.

Ai shtoi se ndërhyrjet aktive janë të nevojshme në situata krize dhe theksoi se vende si Brazili dhe India duhet të bindin të marrin përgjegjësinë për mbrojtjen e rendit ndërkombëtar.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)