“Jam i ftohur”, shefi OKB-së braktis Davosin, e ndjek edhe Zelensky

Sekretari i Përgjithshëm i Kombeve të Bashkuara, Antonio Guterres, nuk do të jetë në gjendje të marrë pjesë në Forumin Ekonomik Botëror në Davos për shkak të një ftohjeje të rëndë.

“Sekretari i Përgjithshëm për fat të keq do të duhet të anulojë pjesëmarrjen e tij në takimin vjetor të Forumit Ekonomik Botëror në Davos”, i cili ishte planifikuar për të mërkurën, sepse “ka marrë një ftohje të rëndë”, tha zëdhënësi i OKB-së, Rolando Gomes në një konferencë për shtyp nga Gjeneva.

Pas një ndalese në Londër të shtunën, Guterres fluturoi për në Zvicër për t'u takuar me përfaqësuesit e tij të posaçëm dhe të dërguarit që merrnin pjesë në takimin e tyre vjetor.

“Ky takim tani ka mbaruar dhe ai është duke shkuar në Nju Jork”, tha Gomes .

Nga ana e tij, Presidenti ukrainas Volodymyr Zelensky tha të hënën se do të udhëtonte për në Davos vetëm nëse dokumentet mbi garancitë e sigurisë me Shtetet e Bashkuara dhe një plan prosperiteti ishin gati për t'u nënshkruar atje.

Zelensky , i cili pritej të merrte pjesë në Forumin Ekonomik Botëror të martën, tha se iu desh të qëndronte në Kiev për të ndihmuar në përballimin e pasojave të një sulmi të madh ajror rus gjatë natës që ndërpreu ngrohjen në rreth 50% të ndërtesave të banimit në qytet.

"Sigurisht, unë zgjedh Ukrainën në këtë rast, jo forumin ekonomik, por gjithçka mund të ndryshojë në çdo moment. Sepse është shumë e rëndësishme për ukrainasit që kjo luftë të përfundojë", u tha Zelensky gazetarëve në përgjigje të pyetjeve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)