Iranianët mbushin sheshet, premtojnë besnikëri për Liderin e ri Suprem

Mijëra qytetarë në Iran dolën në sheshet kryesore të disa qyteteve për të shprehur mbështetjen dhe për të premtuar besnikëri ndaj liderit të ri suprem, Mojtaba Khamenei.

Në disa qytete, përfshirë kryeqytetin Teheran, turmat u mblodhën duke valëvitur flamuj dhe më pas marshuan në rrugët kryesore, në nder të kreut të ri të shtetit.

Emërimi i Mojtaba Khameneit vjen pas vdekjes së liderit të mëparshëm suprem, Ali Khamenei dhe shihet nga shumë analistë si një përpjekje e disa fraksioneve të fuqishme të regjimit për të vazhduar politikat e tij të ashpra. Mes mbështetësve të rëndësishëm të kësaj linje konsiderohet edhe Rojet Revolucionare.

Ndërsa në sheshe mbizotëronin ceremonitë dhe deklaratat e besnikërisë, disa qytetarë shprehën edhe pasiguri për të ardhmen politike të vendit dhe për drejtimin që mund të marrë udhëheqja e re.

Sipas mediave shtetërore iraniane, disa anëtarë të familjes së Mojtaba Khameneit u vranë gjatë valës së parë të sulmeve të ndërmarra nga Shtetet e Bashkuara dhe Izraeli.

Megjithatë, në ceremonitë publike të zhvilluara në qytete të ndryshme, pjesëmarrësit theksuan mbështetjen e tyre për liderin e ri suprem dhe për vazhdimësinë e udhëheqjes së vendit.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)