Përdorën vetëm spraj djegës, grabiten 2,7 mln dollarë në qendër të Tokios

Si të përvetësosh miliona dollarë, pa përdorur asnjë armë. Shembulli vjen nga Tokio, me tre persona që realizuan një grabitje spaktakolare në në qendër të kryeqytetit japonez, duke përdorur vetëm substanca të ngjashme me sprajin djegës.

Sipas policisë së Tokios, të dyshuarit i vodhën pesë personave një valixhe, brenda së cilës 420 milionë yen, ose afro 2,7 milionë dollarë. Viktimat, të moshës nga 20 deri në 40 vjeç, përfshinin shtetas kinezë dhe japonezë. Ata i thanë policisë se në momentin kur u sulmuan po i ngarkonin paratë në një makinë, për ti dërguar në Hong Kong.

Pas grabitjes, një automjet goditi një burrë rreth 100 metra larg vendit të ngjarjes. Policia gjeti më vonë një makinë të vogël blu, e cila ishte braktisur pranë vendit të aksidentit dhe beson se tre të dyshuarit e goditën burrin gjatë arratisjes, para se të ndryshonin automjetin.

Njëri nga të dyshuarit përshkruhet si mashkull rreth 170 cm i gjatë, i veshur me kapuç të zi, xhaketë dhe pantallona të zeza. Deri më tani nuk ka pasur arrestime. Policia e Tokios po e heton edhe sulmin tjetër që ndodhi gjatë natës në aeroportin “Haneda”, me dyshimin se ngjarjet mund të jenë të lidhura, pasi në të dy rastet janë përdorur substanca të ngjashme me sprajin djegës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)