Të "rrëzonte" Papa Fraçeskun, CNN zbulon bisedën e Bannon me Epstein

Steve Bannon shpresonte ta “rrëzonte” Papa Françeskun dhe e diskutoi çështjen me Jeffrey Epstein. Kjo është sipas CNN, e cila pretendon se mesazhet e shkëmbyera midis të dyve në vitin 2019, pjesë e një mori dokumentesh të publikuara nga Departamenti i Drejtësisë i SHBA-së, zbulojnë se Bannon e joshi financierin në një përpjekje për të minuar Papën, pasi ai u largua nga administrata e parë Trump. 

Bannon, kishte qenë shumë kritik ndaj Françeskut, të cilin e konsideronte kundërshtar të vizionit të tij “sovranist”. “Ne do ta rrëzojmë (Papa) Françeskun”, i shkroi Bannon Epsteinit në qershor 2019. “Klintonët, Xi, Françesku, BE-ja: hajde, vëlla.”

Vizioni sovranist i shoqërisë së Bannon, një formë e nacionalizmit populist, u përplas hapur me figurën e Papa Françeskut, të cilin ish-strategu i Trump e përshkroi si “të përçmuar” për gazetën The Spectator. 

Sipas CNN, në mesazhet e shkëmbyera me Epstein, Steve Bannon iu referua librit "Në dollapin e Vatikanit", një libër i vitit 2019 nga gazetari francez Frédéric Martel, i cili argumentonte se një pjesë e madhe e klerit ishte homoseksual dhe e lidhte këtë me skandalet e abuzimit seksual që përfshinin Vatikanin. 

Bannon shprehu interes për ta shndërruar librin në një film, duke i ofruar Epsteinit si producent ekzekutiv. Nuk është e qartë se sa serioz ishte propozimi, por Martel i tha CNN se e refuzoi propozimin, duke akuzuar Bannon se donte ta "shfrytëzonte" librin e tij.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)