Mos i lani kurrë rrobat në lavatriçe në 30 ose 40 gradë, ekspertët paralajmërojnë rrezikun

Larja e rrobave në temperatura të ulëta mund të përbëjë rrezik serioz për shëndetin, veçanërisht kur bëhet fjalë për veshjet e fëmijëve, peshqirët dhe çarçafët. Edhe pse shumë familje zgjedhin programet “eko” në 30 ose 40 gradë për të kursyer energji dhe për të mos dwmtuar rrobat, ekspertët paralajmërojnë se këto temperatura nuk janë të mjaftueshme për të eliminuar bakteret.

Sipas mikrobiologëve, bakteret si E. coli mbijetojnë lehtësisht në temperatura të ulëta, madje shumohen në ambientin e ngrohtë dhe të lagësht të lavatriçes. Kjo do të thotë se rrobat e lara në 30 gradë nuk pastrohen realisht, por mund të shndërrohen në burim infeksioni, pasi bakteret transferohen nga një veshje te tjetra.

Veçanërisht të rrezikuara janë rrobat e fëmijëve, të brendshmet, peshqirët dhe çarçafët, të cilat kanë kontakt të drejtpërdrejtë me lëkurën. Ekspertët rekomandojnë që këto të lahen gjithmonë në temperatura jo më të ulëta se 60 gradë, ndërsa për rrobat e bardha dhe rezistente këshillohet edhe 90 gradë.

Po ashtu, sugjerohet dezinfektimi mujor i lavatriçes me një cikël bosh në temperaturë të lartë, si dhe tharja e shpejtë e rrobave për të shmangur zhvillimin e baktereve.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)