Krijesa misterioze në 9 mijë metër thellësi, shkencëtarët nuk arrijnë ta klasifikojnë

Shkencëtarët janë përballur me një enigmë të re pasi kanë filmuar një krijesë të pazakontë detare në fund të një kanioni të thellë në Oqeanin Paqësor, në një thellësi gati 30 mijë këmbë, afro 9,137 metra. Aty presioni është pothuajse 1,000 herë më i lartë se në nivelin e detit.

Organizmi, me ngjyrë të bardhë dhe pamje “fantazmë”, u filmua në fund të Hendekut Ryukyu në Detin e Filipineve, përgjatë skajit lindor të Ishujve Ryukyu të Japonisë. Sipas studiuesve, ai i ngjan një kërmilli detar transparent, por ka disa lobe të çuditshme që nuk janë identifikuar më parë.

Krijesa ka trup të ndarë në dy pjesë simetrike, një karakteristikë e ngjashme me kërmijtë e detit, por struktura e saj e pazakontë e ka bërë të pamundur klasifikimin. Ajo u filmua në thellësinë rekord prej 9,137 metrash, gjatë një ekspedite dy mujore të udhëhequr nga Universiteti i Australisë Perëndimore.

Ekspedita u zhvillua me anijen kërkimore DSSV Pressure Drop, ku ekipi eksploroi tre nga kanionet më të thella nënujore të Japonisë: Hendekun e Japonisë, Hendekun Izu-Ogasaëara dhe Hendekun Ryukyu. Krijesa u filmua dy herë me kamera me definicion të lartë, të montuara në nëndetësen e drejtuar nga ekuipazhi.

Foto ilustruese

Shkencëtarët e kanë regjistruar atë përkohësisht si “Animalia incerta sedis”, një term që përdoret kur një organizëm i përket mbretërisë së kafshëve, por nuk mund të vendoset ende në asnjë grup të njohur shkencor. Sipas raportimeve, kjo krijesë lëvizte ngadalë mbi shtratin e detit dhe ka lënë ekspertët të hutuar, pasi aktualisht nuk mund të përcaktohet se cilës familje biologjike i përket.

Gjatë kërkimeve në hendek, shkencëtarët zbuluan gjithashtu më shumë se 1,500 krinoide me kërcell të ankoruara në shkëmbinj, si dhe sfungjerë mishngrënës. Studiuesit identifikuan 108 grupe të ndryshme organizmash, përfshirë edhe specie peshqish, që kanë thyer rekorde thellësie.

Ai theksoi se studimi 15-vjeçar i këtyre zonave të thella ka zbuluar shumë më tepër sesa vetëm rekorde thellësie. Në mënyrë shqetësuese, shkencëtarët gjetën edhe mbetje të krijuara nga njerëzit, që besohet se janë transportuar poshtë shpateve të hendekut.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)