Pse Minions janë vetëm meshkuj? Krijuesi zbulon arsyen pse mungojnë femrat

Fenomeni global i Minions vazhdon të mbetet një nga sukseset më të mëdha të animacionit modern, duke fituar miliona fansa në mbarë botën që prej debutimit të tyre në ‘Despicable Me’ nga Illumination rreth 15 vite më parë.

Me publikimin e ardhshëm të “Minions & Monsters”, një pyetje e vjetër është rikthyer sërish në qendër të diskutimeve: ‘Pse nuk ka Minions femra?’.

Edhe pse këta personazhe të vegjël të verdhë shfaqen në forma të ndryshme dhe shpesh me veshje apo role të ndryshme, të gjithë njihen si meshkuj. Kjo ka nxitur prej kohësh debat mes fansave, të cilët kanë kërkuar më shumë shpjegime mbi mungesën e përfaqësimit gjinor.

Sipas historisë së tyre në universin filmik, Minions janë krijuar në laborator nga Dr. Nefario përmes ADN-je të modifikuar dhe nuk riprodhohen, duke i bërë një specie të kufizuar artificiale.

Megjithatë, krijuesi i tyre, Pierre Coffin, ka sqaruar se zgjedhja për t’i bërë të gjithë Minions meshkuj lidhej më shumë me vizionin kreativ sesa me një qëllim përjashtues.

Në një intervistë, Coffin u shpreh se për shkak të natyrës së tyre të çuditshme, naive dhe shpesh komike, ai thjesht nuk i imagjinonte si personazhe femra.

“Duke parë sa budallenj dhe idiotë janë shpesh, thjesht nuk mund t’i imagjinoja Minion-ët të ishin vajza”, deklaroi ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)