Afganët përleshen me thika në mes të Prishtinës, dy të plagosur

Mosmarrëveshja nisi si konflikt verbal dhe më pas degjeneroi në përleshje fizike, gjatë së cilës u përdor edhe arma e ftohtë.

27.02.2026. 11:00

Afganët përleshen me thika në mes të Prishtinës, dy të plagosur

Një konflikt mes katër shtetasve afganë në kryeqytetin e Kosovës, Prishtinë përfundoi me përdorimin e një mjeti të ftohtë dhe plagosjen e dy prej tyre. Njoftimi është dhënë nga Policia e Kosovës.

Sipas raportit zyrtar, mosmarrëveshja filloi si konflikt verbal dhe më pas degjeneroi në përleshje fizike, gjatë së cilës u përdor një thikë. Dy nga të dyshuarit pësuan lëndime trupore dhe morën trajtim mjekësor në vend.

Autoritetet sekuestruan thikën që dyshohet të jetë përdorur gjatë konfliktit. Pas marrjes në pyetje, prokurori ka vendosur që katër të dyshuarit të ndalohen, ndërsa policia po vijon hetimet për sqarimin e rrethanave të sakta të ngjarjes dhe motivet që çuan në përplasjen e dhunshme.

Shkarkoni aplikacionin Newsmax Balkans:

Komente (0)