Gjyqi i dytë në Hagë - Thaçi: Jam i pafajshëm! Prokuroria: 5 të akuzuarit minuan Gjykatën Speciale

Në Dhomat e Specializuara të Kosovës në Hagë ka nisur seanca e deklaratave hyrëse në rastin për pengim të drejtësisë kundër ish-presidentit të Kosovës, Hashim Thaçi, ish-ministrit të Drejtësisë Hajredin Kuçi, ish-shefit të AKI-së Bashkim Smakaj, ish-kryetarit të Malishevës Isni Kilaj dhe veteranit të UÇK-së Fadil Fazliu.

Gjykatësi i çështjes i pyeti me radhë të akuzuarit nëse e kuptojnë aktakuzën dhe nëse deklarohen fajtorë ose jo. Të gjithë, të cilët edhe më herët janë deklaruar të pafajshëm, e përsëritën qëndrimin e tyre në sallën e gjyqit.

Ish-presidenti Thaçi u shpreh qartë duke thënë: “Jam plotësisht i pafajshëm.” Por, sipas Prokurorisë, Thaçi mban përgjegjësi për tentim të pengimit të personave zyrtarë në kryerjen e detyrave zyrtare, shkelje të fshehtësisë së procedurës dhe mosbindje ndaj gjykatës.

Për Bashkim Smakajn, Prokuroria deklaroi se ai akuzohet për tentim të pengimit të personave zyrtarë në kryerjen e detyrave zyrtare dhe për mosbindje ndaj gjykatës. Të njëjtat akuza rëndojnë edhe mbi Isni Kilajn dhe Fadil Fazliun, ndërsa Hajredin Kuçi përballet me dy pika të veprës penale për mosbindje ndaj gjykatës.

LEXO MË SHUMË

Kosovë

“Pengim i drejtësisë”, nis sot në Hagë gjyqi për akuzat ndaj Hashim Thaçit

Akuzohet se ka shpërndarë informacione konfidenciale lidhur me dëshmitarët e Prokurorisë në çështjen për krime lufte “Thaçi dhe të tjerët” dhe se ka udhëzuar bashkëpunëtorët të ndikojnë te dëshmitarët.

09:29 4 h më parë27.02.2026.

Autori

Kosovë

"Nuk pendohem", Thaçi: U ktheva në Kosovë të luftoja për liri, jo pushtet! Rivali im ishte vetëm Serbia

Ish-presidenti i Kosovës, Hashim Thaçi deklaroi se nuk është pishman që u kthye në Kosovë për të luftuar pasi familja dhe populli i tij po përballeshin me shfarosje nga regjimi serb, i udhëhequr nga Sllobodan Millosheviç. Ai i cilësoi akuzat e ZPS-së një fyerje për dëshmorët dhe viktimat e luftës.

14:39 8 ditë më parë18.02.2026.

Autori

Kosovë

Mbahet seanca përmbyllëse në Hagë, avokatët e ish-liderëve të UÇK: Nuk jepet drejtësi mbi thashetheme!

Në Hagë sot bëhet deklarata përmbyllëse e katër ish liderëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi, në seancën përmbyllëse. Secili prej tyre do të ketë nga 20 minuta kohë për të folur.

09:45 9 ditë më parë18.02.2026.

Autori

Ndërkohë, kryeprokurorja Kimberly West tha se Thaçi dhe katër të akuzuarit e tjerë kanë “minuar” Gjykatën Speciale.

“Të akuzuarit shkelën qëllimisht vendime gjyqësore të hartuara për të garantuar se dëshmitarët dhe viktimat mund të dëshmojnë lirshëm, pa frikë dhe pa ndikim, dhe të kenë besimin se identitetet dhe fjalët e tyre do të mbeten konfidenciale për gjykatën dhe palët”, deklaroi ajo.

Sipas saj, akuzat ndaj Thaçit janë të rënda dhe të përsëritura. “Ish-kryetari Thaçi akuzohet se në mënyrë të përsëritur dhe sistematike tentoi të ndërhyjë ndaj dëshmive të dëshmitarëve, duke dhënë udhëzime se si duhet të dëshmojnë dëshmitarët në çështjen gjyqësore tjetër kundër tij për krime lufte, dhe duke shkelur një numër urdhrash gjyqësorë që synojnë mbrojtjen e informacionit konfidencial në lidhje me dëshmitarët. Të bashkakuzuarit e tij Bashkim Smakaj, Isni Kilaj, Fadil Fazliu dhe Hajredin Kuçi akuzohen për pjesëmarrje të paligjshme në një ose më shumë prej këtyre veprave penale.”

Procesi pritet të vijojë me paraqitjen e argumenteve të Prokurorisë dhe më pas të mbrojtjes, në një çështje që zhvillohet paralelisht me gjyqin tjetër ndaj Thaçit, ku Prokuroria Speciale ka kërkuar dënimin me 45 vite burg nën akuzën për krime lufte.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)