Bedri Hamza në Uashington: PDK forcon lidhjet strategjike me SHBA-në në takime të nivelit të lartë

Bedri Hamza po zhvillon një vizitë të rëndësishme zyrtare në SHBA, ku është pritur në nivelet më të larta të administratës amerikane, duke përcjellë mesazhin se Kosova mbetet e përkushtuar ndaj aleancës strategjike me Uashingtonin.

Kryetari i Partisë Demokratike të Kosovës, gjatë qëndrimit të tij në Washington, ka zhvilluar takime të veçanta me zyrtarë të rëndësishëm amerikanë. Ai është pritur nga Charles McLaughlin, Ndihmës Special i Presidentit Donald Trump dhe Drejtor i Lartë për Evropën dhe Rusinë në Shtëpinë e Bardhë, si edhe nga Mark Fleming, Drejtor i Zyrës për Çështjet e Evropës Perëndimore dhe Qendrore në Departamentin e Shtetit.

Diskutimet janë përqendruar te zhvillimet politike dhe ekonomike në Kosovë, si dhe rëndësia që institucionet kosovare të forcojnë më tej partneritetin me SHBA-në. Hamza ka theksuar se interesi shtetëror dhe stabiliteti afatgjatë mbeten prioritet i PDK-së, me fokus te rritja ekonomike dhe rikthimi i besimit te partnerët ndërkombëtarë.

“Kosova është e bekuar me mbështetjen e Amerikës, një ndihmë jetike në rrugën drejt NATO-s dhe BE-së”, ka deklaruar ai gjatë vizitës.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)