Gjendet një person i pajetë në Elbasan

Një person është gjetur i pajetë në lagjen “Brigada 17 Sulmuese” në Elbasan, ndërsa autoritetet kanë nisur hetimet për të zbardhur rrethanat e vdekjes.

09.01.2026. 22:10

Gjendet një person i pajetë në Elbasan

Një person është gjetur pa shenja jete mbrëmjen e sotme në Elbasan. Ngjarja ka ndodhur në lagjen “Brigada 17 Sulmuese”, ku trupi i pajetë është konstatuar nga banorë të zonës, të cilët kanë njoftuar menjëherë autoritetet.

Sipas burimeve paraprake, viktima është identifikuar si Vasil Gashi. Ai është gjetur i veshur me uniformë pune, ndërsa nuk janë bërë ende të ditura shenja të dukshme dhune apo elementë të tjerë që mund të hedhin dritë mbi shkakun e vdekjes.

Në vendngjarje kanë mbërritur forcat e policisë, të cilat kanë rrethuar zonën dhe kanë nisur veprimet e para hetimore. Trupi i viktimës është ekzaminuar paraprakisht, ndërsa pritet që prokuroria të urdhërojë kryerjen e ekspertizës mjekoligjore për të përcaktuar shkakun e saktë të vdekjes.

Shkarkoni aplikacionin Newsmax Balkans:

Komente (0)