Balla mbaron dëshminë për Partizanin: Uroj të më thërrasin dhe për 21 janarin

Pasi ka përfunduar dëshminë e tij në seancën e dosjes "Partizani", kreu i grupit parlamentar socialist Taulant tha se shpreson të thirret dhe për dosjen e 21 janarit.

"Uroj e shpresoj shumë që në ditët, muajt në vijim të jem këtu dhe për një kallëzim tjetër, që është kallëzimi për 21 janarin. Ju e dini fare mirë që prej 21 marsit 2011 kur kam depozituar kallëzimin e parë dhe më pas edhe familjarët e viktimave të 21 janarin, ka një vendim të Gjykatës së Lartë e të Strasburgut, ka një regjistirm procedimi penal nga ana e prokurorisë së posaçme, shpresoj që dhe kjo çështje të më jepet mundësia si dëshmitar të jem dhe për këtë çështje i thirrur", tha ai.

Përsa i përket paraqitjes së kryeministrit Rama dhe a është konsultuar me të për kallëzimin ai tha: "Përgjegjësi individuale pjesa e paraqitjes. E para është që unë për kallëzimet që kam bërë janë përgjegjësi e imja individuale dhe mbaj përgjegjësi për ato e thashë dhe pranë gjykatës". 

Balla theksoi se i ka qëndruar deklarimeve të tij të kryer në kallëzimin e para 6 viteve duke thënë se drejtësia vonon po nuk harron.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)