Inaugurohet kulla e tretë më e lartë në Afrikë

Në Rabat është inauguruar një nga projektet më ambicioze arkitekturore të Afrikës, Torre Mohammed VI, e cila tashmë renditet si ndërtesa e tretë më e lartë në kontinent. Kulla 250 metra e lartë u prezantua zyrtarisht më 13 prill, në një ceremoni të drejtuar nga princi trashëgimtar Moulay El Hassan, në prani të autoriteteve dhe përfaqësuesve të kompanive të përfshira në ndërtim.

Projekti mban emrin e mbretit Mohammed VI, i cili vendosi gurin e parë në vitin 2019, duke shënuar nisjen e një investimi strategjik për zhvillimin urban të zonës së lumit Bu Regreg. Me këtë lartësi, kulla mbetet pas vetëm Iconic Tower në Egjipt dhe Great Mosque of Algiers Tower në Algjeri.

Ndërtesa është projektuar nga arkitekti spanjoll Rafael de La-Hoz, në bashkëpunim me arkitektin maroken Kakin Banjelloun. Ajo është e dukshme deri në 50 kilometra largësi, duke u kthyer në simbol të ri të kryeqytetit maroken.

Megjithatë, projekti nuk ka qenë pa polemika. UNESCO kishte shprehur shqetësime për ndërtimin në lumit Bu Regreg, një zonë ku tradicionalisht nuk janë lejuar ndërtesa të larta.

Brenda kullës do të funksionojë një hotel luksoz nga Waldorf Astoria, së bashku me zyra, apartamente elitare, hapësira tregtare dhe restorante. Një platformë panoramike do t’u ofrojë vizitorëve pamje të gjera mbi qytetin dhe lumin.

Projekti financohet nga grupi O Capital Group, i drejtuar nga biznesmeni Othman Benjelloun, ndërsa një pjesë e hapësirave do të shërbejnë si zyra për BMCE Bank.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)