Maduro u kap nga Delta Force, Rubio e konfirmon: Presidenti venezuelian do të dalë në gjyq në SHBA

Shtetet e Bashkuara të Amerikës kanë arrestuar Presidentin venezuelian Nicolas Maduro, siç konfirmoi kreu i Shtëpisë së Bardhë, Donald Trump, përmes një postimi në Truth Social.

Trump pranoi se forcat amerikane kanë hyrë në Venezuelë dhe kanë realizuar një sulm në shkallë të gjerë, duke kapur Maduron dhe bashkëshorten e tij Cilla Flores, duke i nxjerrë jashtë vendit.

Sakaq, sipas Sekretarit Amerikan të Shtetit, Marko Rubio, Maduro është arrestuar për t’u vendosur në bankën e të akuzarve, sipas ligjeve amerikane.  Senatori i Utah-s Mike Lee e konfirmoi se Maduro do të gjykohet në Shtetet e Bashkuara duke cituar Rubion pas një telefonate që kanë shkëmbyer mes tyre.

"Rubio më informoi se Nicolas Maduro u arrestua nga forcat amerikane për t'u përballur me akuza penale në Shtetet e Bashkuara dhe se veprimi që pamë sonte u ndërmor për të mbrojtur dhe mbrojtur ata që ekzekutuan urdhrin e arrestit", tha senatori amerikan përmes një postimi në ‘X’ të shtunën në mëngjes.

"Ky veprim ka të ngjarë të jetë brenda autoritetit të presidentit, sipas Nenit II të Kushtetutës, për të mbrojtur personelin amerikan nga një sulm real ose i afërt", shtoi Lee.

Ndërkohë, konfirmohet nga CBS Neës përmes burimeve në ushtrinë amerikane se Maduro dhe gruaja e tij u arrestuan nga komandot e Delta Force, njësisë më të lartë të operacioneve speciale të ushtrisë amerikane.

Njësia elitare Delta Force e ushtrisë ishte gjithashtu përgjegjëse për misionin e vitit 2019 që çoi në vdekjen e ish-liderit të Shtetit Islamik, Abu Bakr al-Baghdadi.

Sakaq, CNN raporton se qyteti i Karakasit ka qenë i qetë për rreth dy orë pas sulmit amerikan.

"Dëgjuam shumë aeroplanë dhe helikopterë që kalonin, por tani qyteti ka qenë i qetë, për dy orët e fundit. Nuk kemi dëgjuar njerëz që dalin në rrugë, për shembull, dhe kanali shtetëror po përsërit vazhdimisht mesazhin nga Ministria e Mbrojtjes se ata duan që njerëzit të qëndrojnë të qetë dhe se do të vendosin forca ushtarake në të gjithë vendin", tha korrespondenti i medias amerikane.

Ndërkohë, zv/presidentja e Venezuelës, Delcy Rodriguez, po kërkon prova se Maduro është gjallë dhe këmbëngul se ata nuk e dinë se ku ai ndodhet.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)