Putin sulmon liderët e BE: Derra të vegjël, Rusia do t’i arrijë objektivat

Presidenti i Rusisë, Vladimir Putin ka lëshuar akuza të ashpra ndaj liderëve europianë, të cilët i quajti “derra të vegjël”.

Gjatë fjalimit të tij vjetor në Ministrinë e Mbrojtjes, Putin kërcënoi se Rusia do t’i rrëzojë të gjithë objektivat e saj në Ukrainë qoftë kjo përmes diplomacisë apo forcës ushtarake.

“Nëse ata nuk duan një diskutim thelbësor, atëherë Rusia do t’i çlirojë tokat e saj historike në fushën e betejës,” u shpreh ai.

Mes të tjerash, Putin akuzoi administratën e mëparshme amerikane se e çoi qëllimisht situatën drejt një konflikti të armatosur në Ukrainë, pasi besonte se Rusia do të dobësohej.

“Derrat e vegjël të Europës iu bashkuan menjëherë administratës së mëparshme amerikane, me shpresën për të përfituar nga shembja e vendit tonë”, tha Putin.

Deklaratat e kreut të Kremlinit vijnë në një kohë kur zyrtarët amerikanë të përfshirë në negociata shprehen se në bisedimet e fundit me palën ukrainase në Berlin janë zgjidhur 90% e çështjeve më të vështira.

Rusia vijon të kërkojë shkëputjen e Dobasit, diçka që Ukraina e refuzon në mënyrë kategorike.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)