“Bota po bëhet më e rrezikshme”, Putin shigjeton indirekt Trumpin, por hesht për Maduron dhe Iranin

Presidenti rus Vladimir Putin tha sot se situata ndërkombëtare është përkeqësuar dhe se bota po bëhet më e rrezikshme, por heshti për situatën në Venezuelë dhe Iran.

"Situata në skenën ndërkombëtare po përkeqësohet gjithnjë e më shumë. Nuk mendoj se dikush do të ishte kundër kësaj që them. Konfliktet afatgjata po intensifikohen dhe po shfaqen pika të reja serioze të nxehta", tha Putin.

Duke iu drejtuar ambasadorëve të rinj që paraqitën kredencialet e tyre në Kremlin, Putin nuk i përmendi në mënyrë të qartë Shtetet e Bashkuara apo Trump në komentet e tij të para publike për politikën e jashtme këtë vit.

“Po dëgjojmë një monolog nga ata që, për shkak të pushtetit të tyre, e konsiderojnë të lejueshme të diktojnë vullnetin e tyre, t'u predikojnë të tjerëve dhe të lëshojnë urdhra”, tha Putin, në atë që u duk si një adresim me drejtim Uashingtonin.

“Rusia është sinqerisht e përkushtuar ndaj idealeve të një bote shumëpolare”, nënvizoi ai.

Putin më tej i nxiti ambasadorët të diskutojnë propozimet e Rusisë për një arkitekturë të re sigurie në Evropë.

"Shpresojmë që njohja e kësaj nevoje do të vijë herët a vonë. Deri atëherë, Rusia do të vazhdojë të ndjekë vazhdimisht qëllimet e saj”, u shpreh kreu i Kremlinit.

Kujtojmë se Putin ende nuk ka komentuar publikisht rrëzimin e Nicolas Maduros në Venezuelë nga SHBA-të, protestat në Iran apo kërcënimet e Donald Trump për Groenlandën.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)