Lideri i ri i Iranit është impotent, e zbuloi inteligjenca amerikane

Lideri i ri i Iranit, djali i të ndjerit Ajatollah Ali Khamenei rezulton të ketë qenë impotent. Sipas një dokumenti sekret të inteligjencës amerikane që është zbuluar nga mediat britanike, Udhëheqësi i ri Suprem i Iranit, Mojtaba Khamenei, kaloi muaj të tërë duke u trajtuar për impotencë në spitale private në Mbretërinë e Bashkuar.

Të martën, 56-vjeçari u emërua pasardhës i babait të tij Ali Khamenei, i cili u vra së bashku me 48 zyrtarë të tjerë të lartë të regjimit gjatë operacionit “Ulërima e Luanit”, të Izraelit dhe SHBA-ve.

Sipas një informacioni të klasifikuar të dërguar nga Departamenti i Shtetit në Ambasadën e SHBA-ve në Londër në vitin 2008, dhe më vonë të publikuar nga WikiLeaks, Mojtaba u vu nën presion nga familja e tij për të lindur trashëgimtarë. Pas kësaj ai zhvilloi katër vizita, përfshirë një qëndrim të fundit në Londër që zgjati dy muaj, dhe ai përfundimisht arriti të bëhet babai i një djali që u quajt Ali sipas gjyshit të foshnjës, ish-Liderit Suprem.

Sipas inteligjencës amerikane, Mojtaba u martua relativisht vonë, në vitin 2004. Sipas raportimeve ai e shmangu martesën për shkak të një problemi impotence, i cili u trajtua dhe u zgjidh përfundimisht gjatë tre vizitave të gjata në Mbretërinë e Bashkuar.

Këto vizita janë kryer në Spitalet Wellington dhe Cromwell në Londër, sipas dokumentit të inteligjencës.

"Familja e tij priste që Mojtaba të lindte fëmijë shpejt, por kishte nevojë për një vizitë të katërt në Mbretërinë e Bashkuar për trajtim mjekësor. Pas një qëndrimi prej dy muajsh, gruaja e tij mbeti shtatzënë. Në Iran, lindi një djalë i shëndetshëm, i quajtur Ali për të kujtuar emrin e gjyshit të tij nga ana e babait", thuhet në dokument.

LEXO MË SHUMË

Lindja e Mesme

Djali i Ali Khameneit zgjidhet Udhëheqësi i ri Suprem i Iranit

56-vjeçari Mojtaba Khamenei njihet për lidhjet e tij të ngushta me Gardën Revolucionare, ai ka qëndrime që përputhen me ato të të atit.

22:35 13 h më parë03.03.2026.

Autori

Inteligjenca amerikane gjithashtu detajoi se si brenda zyrës së Udhëheqësit Suprem, Mojtaba punonte në hijen e babait të tij dhe se ai udhëtoi me të në Iran dhe kishte një "shkallë të konsiderueshme kontrolli mbi aksesin tek babai i tij".

“Ai shihej gjerësisht brenda regjimit si një udhëheqës dhe menaxher i aftë dhe i fuqishëm, i cili një ditë mund të ketë të paktën një pjesë të udhëheqjes kombëtare. Babai i tij gjithashtu mund ta shohë atë si të suksesshëm", thuhet po ashtu në dokument.

Mojtaba ka qenë përherë i afërt me udhëheqësit e lartë të Korpusit të Gardës Revolucionare Islamike dhe i informuar mirë prej tyre.

“Ali Khamenei thuhet se shihet nga disa brenda Zyrës së Udhëheqësit si person që e trajton dhe konsultohet me Mojtabën sikur i biri të ishte një pasardhës i mundshëm i përgjegjësive të tij, dhe jo thjesht si një këshilltar”, theksohet në raportin amerikan, megjithatë shtohet se Mojtaba shihej si i dobët në aspektin klerikal.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)