200 kg kokainë mes frutave ekzotike, çmontohet në Spanjë organizata shqiptare

Pas një hetimi 17-mujor autoritetet spanjolle kanë çmontuar një organizatë shqiptare të drogës, duke sekuestruar 200 kg kokainë mes frutave ekzotike.

Kreu i organizatës ishte një shtetas letonez. Policia kishte vënë në shënjestër disa galicianë dhe se, nëpërmjet tyre, ata arritën pjesën tjetër të organizatës. Këta individë ishin të njohur për hetuesit dhe kishin kontaktuar grupin shqiptar, duke u ofruar atyre aftësitë e tyre operacionale.

Hetimi zbuloi dërgesën e drogës nga deti, të fshehur në një kontejner duke përdorur metodën e “grepit të verbër”, i cili transportonte lëkura dhe fruta nga Ekuadori në Vigo. Anëtarët e organizatës udhëtuan për në Vigo, ku qëndruan në hotele dhe një apartament, dhe morën drogën.

Tre u kapën në një restorant në Vigo dhe dy në apartamentin me qira. Një kontroll i apartamentit zbuloi 200 kilogramë kokainë, të paketuar në pako afërsisht një kilogramëshe që mbanin logon ‘Kia’. Përveç pesë shtetasve të huaj të arrestuar, të cilët u lanë në paraburgim me urdhër gjykate, tre shtetas galicianë nga A Coruña, Lugo dhe zona e Arousës u arrestuan një javë më vo

në.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)