Të gjithë po kthehen në 2016, trendi i ri i rrjeteve sociale

Zgjohesh dhe është viti 2016. Justin Bieber dhe Drake dominojnë listën e kënfëve, të gjithë luajnë Pokemon Go, merreni me filtrat në Snapchat. Në fakt duket sikur gjithçka ka ndodhur dje, dhe kjo falë rrjeteve sociale të cilat janë rikthyr në këtë fillim viti një dekadë pas. 

Vetë Tik Tok bën të ditur se kërkimet për 2016 u rritën me 452% javën e fundit dhe më shumë se 55 milionë video janë krijuar duyke përdorur filtrin e aplikacionit të emërtuar sipas vitit. 

Sigurisht, nostalgjia na ka bërë të kujtojmë trendet, këngët dhe pamjet tona të preferuara, por pse tani? A ka ndodh diçka e veçantë në lidhje me 2016?

Trendi kryesor është muzika e asaj kohe, këngë të atij viti që janë rikthyer fuqishëm në internet, si Zayn Malik, Justin Bieber etj. Edhe statistikat nga Spotify tregojnë një rritje me 71 % në listat e këngëve "2016" duke rikthyer dhe artistë me sukses të madh në atë kohë. 

Të shikosh prapa në vitin 2016 përmes një filtri me ngjyrë rozë është një burim ngushëllimi për shumë prej nesh, por a po na shtrembëron kujtesën?

Ishte një vit veçanërisht i zymtë për vdekjet e personazheve të famshëm, me legjenda si David Boëie, Prince, George Michael dhe Alan Rickman që të gjithë ndërruan jetë.

Dhe viti 2016 pa gjithashtu disa ngjarje të mëdha botërore, të tilla si referendumi i Brexit-it në Mbretërinë e Bashkuar dhe fitorja e parë zgjedhore e Donald Trump në SHBA që vazhdojnë të ndajnë njerëzit, pavarësisht nëse festuan apo u dëshpëruan nga rezultati.

Psikologu Clay Routledge i specializuar në studimin e nostalgjisë që nga viti 2001 thotë se ai "ngurron ta bëjë shumë të madhe një vit të caktuar".

Ngjarjet politike të vitit 2016 mund të kenë ngritur përçarjet ekzistuese, thotë Clay, por këto momente dhe ngjarje të rëndësishme mbajnë fuqi nostalgjike sepse ato veprojnë si "shënjues".

"Gjithmonë mund të gjesh këto pika në kohë në të cilat njerëzit kapen për një lloj udhëzimi", thotë ai.

Clay sugjeron dy faktorë që mund të nxisin obsesionin me vitin 2016: fillimi i një viti të ri dhe shumë të rinj që ndihen të pasigurt për të ardhmen.

"Ne kemi tendencë të jemi veçanërisht nostalgjikë kur bota ndihet sikur po kalon një ndryshim të madh", thotë Clay.

Ai tregon ndikimin e inteligjencës artificiale (IA) dhe shqetësimet e njerëzve se si do të ndikojë në punësim.

"Kur brezat kalojnë nëpër këtë lloj trazire ose këtë lloj sfide, ata kanë tendencë të shikojnë prapa në rininë e tyre për ngushëllim dhe për frymëzim, për udhëzim", thotë ai.

Dhe 10 vjet më parë ka kuptim për shumë prej nesh, thotë ai.

"Mijëvjeçarët e rinj do të ishin në fillim të të 30-ave, dhe Gjenerata Z më e vjetër do të ishte në fund të të 20-ave, dhe kështu 10 vjet më parë do të ishte ajo lloj kohe rinore", thotë ai. "Njerëzit po shikojnë prapa ndoshta një dekadë dhe thonë: 'Në rregull, çfarë po ndodhte atëherë?'" A ishte 2016 viti i fundit që ishte një vit i mirë?

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)