Kongresmenët amerikanë letër Albin Kurtit: SHBA mbështesin Kosovën

Dy kongresmenë amerikanë kanë konfirmuar se “mbështetja e Shteteve të Bashkuara për Kosovën vazhdon të jetë e fortë dhe dypartiake” në Kongresin amerikan. Kjo është bërë e ditur përmes dy letrave drejtuar kryeministrit në detyrë, Albin Kurti, të publikuara këtë të premte nga qeveria e Kosovës.

Kongresmeni republikan Mike Lawler theksonte: “Veprimet e fundit legjislative, duke përfshirë miratimin e Ligjit për Autorizimin e Mbrojtjes Kombëtare për vitin fiskal 2026, nënvizojnë përkushtimin e vazhdueshëm të Amerikës ndaj së ardhmes euro-atlantike të Kosovës”.

Njëkohësisht, kongresmeni demokrat George Latimer e vendosi theksin te mbështetja e fuqishme amerikane për Kosovën. “Ligji për Autorizimin e Sigurisë Kombëtare, i miratuar së fundi, Shtetet e Bashkuara qëndron plotësisht pas përpjekjeve të Kosovës për t’iu bashkuar NATO-s dhe Bashkimit Evropian”, tha Latimer.

Ai shtoi se “mbështeten përpjekjet drejt normalizimit të marrëdhënieve ndërmjet Kosovës dhe Serbisë, qëllime që do të përmirësonin dukshëm sigurinë dhe sundimin e ligjit në të gjithë Ballkanin Perëndimor”.

Në letrat e tyre, të dy kongresmenët iu referuan Aktit për Autorizimin e Mbrojtjes Kombëtare, i cili u nënshkrua javën e kaluar nga presidenti amerikan Donald Trump dhe që u bën thirrje Kosovës dhe Serbisë të zbatojnë marrëveshjen e normalizimit të marrëdhënieve të arritur në vitin 2023.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)