“Trump, një armik i vendit”, De Niro shpërthen në lot: Çfarë po i bën Amerikës?

Aktori legjendar Robert De Niro shpërtheu në emocione gjatë një interviste në podkastin “The Best People” të moderuar nga Nicolle Wallace, ku foli ashpër kundër presidentit Donald Trump.

Gjatë bisedës, De Niro e quajti Trump “armik të vendit”, duke theksuar se qytetarët duhet të bashkohen për ta larguar nga pushteti përmes mjeteve ligjore dhe protestave paqësore. “Është kaq e thjeshtë. Duhet të qëndrojmë të bashkuar për ta rikthyer vendin në rrugën e duhur”, u shpreh aktori 82-vjeçar.

Ai shtoi se nuk beson që Trump do të largohej vullnetarisht nga detyra në fund të mandatit, duke nënvizuar se mobilizimi për zgjedhjet e mesmandatit është thelbësor. Sipas tij, edhe nëse Trump nuk do të ishte më në skenën politike, lëvizja që ai ka krijuar do të vazhdonte të ndikonte në vend.

Në momentin më emocional të intervistës, Wallace transmetoi një pjesë nga fjalimi i De Niro-s në çmimet Oscar të vitit 1981. Aktori u përlot teksa fliste për rëndësinë e unitetit dhe empatisë. “Duhet t’i ngremë njerëzit lart, jo t’i ndajmë,” tha ai me zë të dridhur.

Trump reagoi në rrjetin e tij social duke ironizuar emocionet e aktorit dhe duke e sulmuar personalisht.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)