Java nis me diell, ja si do të jetë moti

Një ditë pranverore me mot të qëndrueshëm, por jo plotësisht të kthjellët, pritet të karakterizojë këtë të hënë në vendin tonë, ku vranësirat dhe reshjet e lehta do të shfaqen vetëm në zona të caktuara.

Sipas parashikimit për datën 30 mars 2026, Shqipëria do të ndikohet nga kushte atmosferike relativisht të qëndrueshme. Moti do të jetë me kthjellime dhe alternime vranësirash mesatare, hera-herës deri të dendura, më të theksuara në zonat veriore dhe në relievet malore në lindje.

Gjatë orëve të mesditës deri në pasdite priten reshje të dobëta shiu me karakter lokal, kryesisht në zonat malore lindore. Këto reshje do të jenë të përkohshme dhe më pas pritet ndërprerja e tyre në të gjithë territorin.

Era do të fryjë me drejtim verilindje-veriperëndim, me një shpejtësi mesatare rreth 7 m/s. Në lugina dhe përgjatë vijës bregdetare, si dhe në zona të hapura, era mund të forcohet hera-herës deri në 16 m/s.

Sa i përket kushteve në det, valëzimi në detin Adriatik dhe atë Jon do të jetë i forcës 3 deri në 4 ballë, duke krijuar kushte relativisht të qeta për lundrim.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)