“Mbeten në sekuestro”, GJKKO rrëzon kërkesën e familjarëve të Ervis Martinajt për pasuritë

Gjykata e Posaçme Kundër Korrupsionit vendosi të refuzojë kërkesën e familjarëve të Ervis Martinajt për heqjen e sekuestros ndaj dhjetëra pasurive të “mbretit” të lojërave të fatit, i shpallur i zhdukur prej më shumë se 3 vitesh.

Avokatët e familjarëve të Martinajt, pretendonin se kërkesa e tyre për heqjen e sekuestrove ishte depozituar 2 vite më parë, teksa ligji e parashikon që një çështje e tillë duhet të shqyrtohet brenda një vit.

Gjyqtari Bani vendosi të rrëzojë kërkesën me arsyetimin se masa mund të hiqet vetëm nëse pas përfundimit të afatit të shtyrë, prokuroria nuk kërkon konfiskimin e pasurive.

Gjykata e Posaçme vendosi sekuestrimin e 23 pasurive të Ervis Martinaj dhe personave të lidhur me të, familjarëve në fundit të vitit 2023.

Lista e plotë e pasurive të sekuestruara:

Aksionet e KING KASINO ku aksioner është 100% Ervis Martinaj

50 % të aksioneve të shoqërisë "ALBA TELECOMMUNICATION" në emër të Ervis Martinaj

Aksionet e shoqërisë “MATI UNION" ku aksioner është 100% Mustafa Martinaj

Aksionet e shoqërisë “MARTINAJ E.M” ku aksioner është 100% Mustafa Martinaj

Subjekti “Ervis Martinaj”

Shoqëria "REAL FENIX" ku aksionere është 100% Roberta Martinaj

Subjekti "Drenica Martinaj”

Subjekti “V.K”

Shoqëria "S.P.E Energy" shpk ku aksioner është 100% V.K

21% e aksioneve dhe aseteve të shoqërisë "S.P.E Gjadër" të zotëruara nga "S.P.E Energy" shpk ku aksioner është 100% V.K

Një automjet Smart, modeli Passion në pronësi të Erjona Martinaj

Një automjet Land Rover, modeli Discovery në pronësi të Erjona Martinaj

Një automjet Mercedez-Benz, modeli GLK 350, në pronësi të Vasilika Martinaj

Një automjet Fiat, modeli Fiesta, në pronësi të Vasilika Martinaj

Një automjet BMË, modeli M 550, në pronësi të Vasilika Martinaj

Një pasuri me sip. 82 m2 në lagjen “Pavarësia”, Vlorë në pronësi të Drenica Martinaj dhe një arë në Piqeras, Sarandë në

pronësi të Ervis dhe Roberta Martinaj

Një njësi me sip. 137 m2 në pronësi të Vasilika Martinaj

Një ullishte me sip. 9 800 m2, në Dobresh, Tiranë

Një arë 3 815 m2 në Fushëkuqe, Kurbin

Arë me sip. 7 000 m2 në Patok

Arë në Fushëkuqe, Kurbin sip. 12 145 m2

Arë në Patok, Kurbin me sip. 1 973 m2

Arë në Patok, Kurbin me sip. 7 050 m2

Arë dhe truall me sip. 1 975 m2 në Fushë-Milot, Kurbin

Arë me sip. 1 632 m2 në Fushë-Milot, Kurbin

Truall dhe ndërtesë me sip. 300 m2 në emër të Mustafa dhe Vasilika Martinaj

Arë me sip. 2 543 m2 në Fushëkuqe, Kurbin

Arë dhe ndërtesë me sip. 410 m2 në Fushëkuqe, Kurbin në emër të Mustafa dhe Vasilika Martinaj

Arë me sip. 120 m2 dhuruar nga Ervis Martinaj shtetases Bisere Hato

Truall dhe ndërtesë 580 m2 dhuruar nga Ervis Martinaj shtetases Bisere Hato

Apartament në rrugën “Dervish Hima”, me sip. 105 m2, dhuruar nga Ervis Martinaj shtetases Gelmona Tarja

Ullishte 2 000 m2 në fshatin Gjilekë, Dhërmi

Pasuri aktualisht në pronësi të shtetasit Fatmir Ahmet Vuthaj

Llogari kursimi për fëmijë

Ervis Martinaj rezulton i zhdukur që prej 9 gushtit të vitit 2022. Ai ishte shpallur në kërkim, në kuadër të operacionit “Plumbi i Artë”. 

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)