Ngujim në bulevard? Berisha tregon hapat që do të ndjekë opozita

Në protestën e sotme të opozitës, ashtu siç bëhet tashmë çdo të hënë në Tiranë mund të ketë "ngujim" në Bulevard. Sipas kreut të PD, në mbledhjen e sotme të grupit, këtë gjë e kërkojnë qytetarët. 

“Janë më qindra demokratë që më thonë “nuk duhet të largohemi nga bulevardi pa larguar Edi Ramën”. Drejt asaj do shkojmë në mënyrë të pashmangshme. Ky moment duhet të jetë çështje e diskutimit tonë të gjerë me qytetarët dhe popullin opozitar”, tha Berisha.

Protesta kombëtare e Partisë Demokratike do të jetë më 10 shkurt e për këtë kreu demokrat kërkou angazhim maksimal nga deputetët.

"Qytetarët e kanë kuptuar se vetëm fjala e tyre, vetëm guximi i tyre mund t’u japë përgjigje. Nuk i zgjidh drejtësia këto sepse nuk pyesin më për drejtësi. E kyçi ky drejtësinë. Faktikisht e asgjësoi. U ndala në këtë problem për të theksuar edhe njëherë rëndësinë e jashtëzakonshme që ka protesta, që kanë qytetarët. Koha është e qytetarëve. Ndaj përparësi absolute për çdo orë të ditës tuaj ka takimi me qytetarët dhe organizimi sa më i fuqishëm i protestës së datës 10. Llojshmëria e saj. Po kuptohet që është rruga e vetme", tha ai.

Shkarkoni aplikacionin Newsmax Balkans:

Mund ta shkarkoni aplikacionin Newsmax Balkans nga Google Play dhe App Store.

Komente (0)